THUSIMTU 9:11 - Bawm Common Language Bible Version

¹¹ Hi laikulh ah hin thil dang, mi tek chak nih tekzuamnâk ah an neh dahlo mi, mi râlṭha khawm nih râltuknâk ah an neh dahlo mi ka theih. Mifing tla khawm nih ei ding an tawng kumza lo, theihthiamnâk nei mi tla khawm an nei kumza lo, mi thiltikho tla khawm nih mun sâng an luah kumza lo. Vânduainâk chu mikip sinah a tlung.

THUSIMTU 9:11 ပူးပေါင်းရင်းမြစ်များ

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

2 CHRONICLES 20:15

Jahaziel nih, “Nannih lalchem leh Jerusalem ah Juda um mi zawzawng tla, LALPA nih kawrsen tam tak chu ṭih lah na u. Râltuknâk chu nan nih do ding asi lo le Pathian tlûnah ngauh asi.

JOB LASUIBU 34:29

Pathian nih thil zeizawng ti a tum lo mi chu, âukhawm nih an titir kho lo. A mêl a thuh chun minung nih ṭangpitu an nei ding asi lo.

SAM 76:5

An kawrsen râlṭha neih zawzawng chu an suh piak hep na le; tu chun mithi itnâk ah an it hep le; an chaknâk leh an thiamnâk zawzawng chu mang a tlâk lo rawh.

THUFING LASUIBU 1:5

Hi thufing nih hin, mifing tla theihnâk leiah sap hen mi lasuithiam tla rangah ruinâk asi.

THUSIMTU 2:12

Churawhchun, a lânah lalchem nih an ti mi cho lalchem nih a ti kho. Churawhchun, fing ding mawh zeikhawm siarlo ding hen mawh mâwl tak um ding dân ka dawn.

THUSIMTU 3:14

Pathian nih thil a ti mi zawng chu a um kumza awt ti ka theih. Chu lakah chun zeikhawm na sap kho lai lo, chu lakah mi zeikhawm na lâk kho lai lo. Pathian nih thil pakhat a ti mi chu amah ṭihtu ding hen hawng kan siam mi chu asi.

THUSIMTU 3:17

Ka thinlungah “Pathian nih mirep leh misual lakah bang cho hen lâi a rêl piak na awt, thil zeizawng leh thilti mi khawm a tik ruat mi lakah a hawng um lai,” ka ti.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

THUSIMTU 7:13

Pathian thilti dawn rawh. Pathian nih a ngawih rawh mi âunih dingh kho lai.

THUSIMTU 9:2

Zeikhawm â dangnâk a um lo. Mirep leh misual, mi ṭha leh mi ṭhalo phung leikâng si mi leh silo mi, bâwlnâk aptu leh aplotu sin khawm ah vânduainâk bang cho a tlung. Mi ṭha khawm misual ngâk hen a ṭha dauh lêm lo; siat tleihtu khawm tleihlotu ngâk hen a ṭha dauh lêm lo.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

JEREMIA 46:6

Chak kho rî hen tek mi tla chu an âwl lo le, kawrsen tla chu an suak kho lo. Marlei ah Eufretis tiva kiangah anna suih le an tlû.

JEREMIA 48:14

“Moab mi tla, râltuknâk ah a nik rawh mi kawrsen râlṭha hâwi hen zeitin mi râlṭha ah na ruat?

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

EPHESI 1:11

Amah duhkâng a remruat hâwi vima hen thil zeizawng titu nih a tum mi ruatkan si rawh hen amah lakah ber a mi siding ah siam kan si,

DEUTERONOMY 8:17

Churawhchun, nanmah thiltikhonâk leh chaknâk hen neih-le-siah hen um ah nanna ruat lonâk ding hen.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

1 SAMUEL 17:50

Churawhchun, David nih nâmsâu lo hen lung sehnâk hen a neh rawh.

1 SAMUEL 6:9

Beth Semes leiah a kal leh kal lo zauh vima ule, Beth Semes leiah a kal asi chun Israel Pathian nih siatnâk ṭihnungkâi tak a hawng tlungtir mi asi lai. Sikhawmsele a kal lo asi lam chun râi chu amah nih a hawng fial mi asi lai lo le, amah a hawng um rêng mi asi lai,” an ti.