THUSIMTU 9:10 - Bawm Common Language Bible Version

¹⁰ Na thilti zeizawng lakah hamh tak hen ṭuan rawh, hi laikulh thihnâk ah chun, thilti, thinlung dawn, theihhâk tla, finghnâk a um awtlo rawh ruangah; chunah chun nang khawm kal ding mi na si.

THUSIMTU 9:10 ပူးပေါင်းရင်းမြစ်များ

GENESIS 37:35

A fapa leh a fanu tla chu thlangamh ding hen an hawng le, khawmsele an thlangamh kho lo. “Ka fapa zûnphurh lungfâk bû hen thlân mual ah ka liam awt,” a ti. A fapa Josef zûn chu a phurh vima.

1 CHRONICLES 22:19

Tuah LALPA na Pathian chu na thinlung leh na thlarau hen a nâwl zulh rawh. Tuah Biakin sak chu a dawmh le, chu lakah LALPA Thudântuk Bâwm leh amah sawnhnâk ah mang mi thil thenhlimh tla siah rawh,” a ti.

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

NEHEMIAH 2:12

Pathian nih hawng ka simh mi tla chu ni thum kar chu âu sin khawm ka simh na lo. Churawhchun, zânlei ah ka thawk le, ka hâwi le mi tâwmtê ka put na le, ka suak. Ran chu keimah chuannâk ding sanatung pakhat cho kan put.

NEHEMIAH 4:2

A hâwi murui leh Samaria kawrsen murui mâika ah, “Hi Juda mi lawksawng tla nih hin zei ti ding tum hen me thil an ti? Khuapi remh ding hen na maw an tum? Bâwlnâk ap hen ni khat karah dih ding hen na maw an tum? Nâwmtâm salam hen rawh mi lung hen an sak kho awt mazei?” a ti.

NEHEMIAH 4:6

Chun, kulh chu kan remh vima le, mi zapi tla chu rianṭuan an tha thawk thlo ruangah kulh chu a sâng lei khingkhuai ding chu kan sangh rawh.

JOB LASUIBU 10:21

Ka kal tuan awt rawh, ka hawng kîr ding asi lo rawh. A mûi mi leh thim sahnâk ah ka kal lai le,

JOB LASUIBU 10:22

ram mûinâk ah leh dâidul leh nawknâk ram ah, chunah chun chêunâk khawm mûinâk hep a sinâk ram ah.

JOB LASUIBU 21:13

Thlangam tak hen an um le, ngandam tak hen an thi.

SAM 6:5

Laikulh ah mithi tla nih chun a nan theihkumza ding asi lo, chunah mi nih chun âukhawm nih an sawr kho lai loh.

THUFING LASUIBU 3:28

Tuah na zâwlbâwm rangah na ṭangpi kho asi chun, thâi ah si seh ti lah.

THUSIMTU 11:3

Thing chu zei leikâng tal ah tlû khawmsele a pawi lo, a tlûknâk mun nget ah a um lai. Vândâwm chu a khat tâwk rawh chun ruah a sûr.

THUSIMTU 11:6

Zînglei leh zânlei khawm ah chi tuh rawh. Ṭhadektê hen a kho hep lai mawh pakhat tuh mi chu a dang ngâk hen a ṭha dauh awt mawh ti na theih lo.

ISAI 38:10

Ka dam liau ni ṭha hi laikulh thihnâk ah kal hen, Dam lo rawh ding hen ka ruat.

JEREMIA 29:13

Nan thinlung zawzawng hen nan hawng ka hâwl ruangah nan ka hâwl tik chun nan ka tawng lai.

NUMBER 13:30

Mosi tlûnah mi zapi chipchiartu tla chu Kaleb nih a dâitir ruap na le, “Neh ding hen kan chak tâwk reng, tuah kan va kal lai le, ram chu kan lâk ko lai,” a ti.

MATHAI 20:7

Annih nih chun a sinah, Âukhawm nih lawh hawng kan lâk lo ruangah,’ an ti. Anih nih chun an sinah, ‘Nannih khawm grep dûm ah kal bâk u,’ a ti.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

JOHAN 4:34

Chun, Jisu nih an sinah a sim le, “Hawng ka fialtu duhzia ti leh a rianṭuan dih ding hi ka buh asi.

JOHAN 5:4

Vei zeimaw zat chu rilî ah vânmifial chu a hawng ṭum le, tî a hawng tlawktir. Chun, titlawk lakah ṭum masa chemtu chu zei nganfâk zawng damtir hen a um.)

JOHAN 9:4

Sûn asi liauah hawng ka fialtu rian ka ṭuan ding asi; zân asi awt rawh hi, chu tikah chun âukhawm nih rian an ṭuan kho lai loh.

ROM 12:11

Chawnglawmh leikângah chun a duh piak tawnh ule; taimâk suah leikângah chun zângzê lah ule, thlarau leikângah chun ṭhanemsemsê ngâi ule, Lalpa rianṭuan u.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 16:10

Chun, Timothe kha a hawng tleng chun ngamh tak hen nan sinah a um khonâk ding hen hawng lawmh u; kei nih ka ṭuan hâwi ber hen Lalpa rian chu a ṭuan asi.

1 KORIN 9:24

Tekzuam tla chu an ektê hen an tek le, sikhawmsele pakhat cho nih lâwmman a tawng ti nan theih lo mazei? Nan tawng khonâk ding hen chu hâwitê hen tek u.

1 KORIN 9:26

Chun, chu hâwitê hen tek san bulbal theih lo hen ka tek tâwn.

EPHESI 5:16

ni tla hi a ṭhalo ruangah tik remkâng siam vima u.

KOLOSA 3:23

A rulhnâk, ro ting ding chu Lalpa sinah thawk hen nan tawng awt ti theih hen, nan ti mi vial chu minung rang hâwi a ti lo hen, Lalpa rang hâwi a ti dauh hen, lung thawk tak hen ti u; Lalpa Krist rian nan ṭuan asi hi.

1 SAMUEL 10:7

Chubang hâwi thil a hawng um rawh chun Pathian nih a nan ruinâk zawng ah chun ti vima ko.