THUSIMTU 9:1 - Bawm Common Language Bible Version

¹ Hi bang thu tla hi sâwt tak leh harsa tak hen ka dawn le, mifing leh mirep tla thilti an dâwt mi leh an hua mi lakah Pathian thu thu a sizia ka muh. Âukhawm a mâilei ah thil hawng um ding a theih lo.

THUSIMTU 9:1 ပူးပေါင်းရင်းမြစ်များ

JOB LASUIBU 12:10

A thilsiam nungnâk duh duh hen tikhotu chu Pathian asi le, minung tla nungnâk khawm amah thu thu asi.

JOB LASUIBU 27:12

Sikhawmsele, nanmah ngelchel nih nan muh rawh, nûn lam chun a herh loh. Zei rangah chubang thu salam chu nan sim nget rih. [Zophar]

JOB LASUIBU 5:8

Kei hi nangmah hâwi si sele, Pathian leiah ka hawi lai le, ka thu a sinah ka tlunh lai.

SAM 10:14

Mi ngaihsia leh tuartu tla chu na muh hen na theih le, ṭangpi ding na tîm kumza, mi ṭangpi herh tla chu na sinah anna pêk le; na ṭangpi kumza na.

SAM 119:109

Ka nungnâk râwk bawh hen a um le; na dân lam chu ka philh lo.

SAM 31:5

Nangmah zauhkhenh ding hen ka pêk. LALPA, nang chu Pathian zumhkâi na si ruangah na ka hum lai.

SAM 73:3

misual tla sul-le-lam tluang ka muh hen anna zûm mi chu ka hua ruangah.

THUFING LASUIBU 16:3

Na thiltum tla lakah LALPA malsâwmnâk deih le, na ti tikah dingchangnâk na tawng lai.

THUSIMTU 1:17

Theihthiamnâk leh mâwlnâk, finghnâk leh âtnâk â dang zia theih ka tum. Sikhawmsele, thli ṭhâwl mi hâwi cho kasi ti ka theih.

THUSIMTU 10:14

Mi â thusim chu â phân zûl. Thil hawng um ding mi âukhawm nih a theih loh, kan thih nûnah thil a hawng um ding mi âukhawm nih hawng kan simh kho lo.

THUSIMTU 7:15

Ka nungnâk hi zeikhawm asi lo rawh le, sikhawmsele chu lakah thil zeizawng ka muh. Midang sual ngâi bû hen a dam liauah mi ṭha lam a thi kho.

THUSIMTU 7:25

Sikhawmsele theih ding leh sîn ding hen ka pêk le, finghnâk leh ka deih mi sângnâk tawng ding ka tum hen misual leh mi mâwl tla khawm zeirang titi an mâwl ti theih ka tum.

THUSIMTU 8:14

Sikhawmsele chu khawm chu zeikhawm asi lo. Laikulh ah thil a hawng um mi tla zauhnik: zeimaw zâwn chun mirep tla khawm nih misual rêpnâk an tawng, misual tla khawm nih mirep tla lâwmman an tawng. Chubang tla chu zeikhawm asi lo ka ti.

THUSIMTU 8:16

Zeiliau zawng ah mifing si hen laikulh ah thil umdân theih ding ka tum le, a sûn a zân hen meng khawm le,

THUSIMTU 8:7

Âukhawm nih thil hawng tlung ding mi kan theih lo le, pakhat khawm hawng kan simhtu ding an um lo.

THUSIMTU 9:6

An dâwtnâk tla, huatnâk tla, lungkhamnâk tla an nei mi zawng khawm an thihpi hep. Hi laikulh ah a hawng tlung mi zei thil tal lakah tingvo an nei dah lai lo rawh.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

JEREMIA 43:6

mipa tla, nunau tla, fa tla, lal fanu tla zawzawng hen Aigupta ram ah an kalpi na. Hotu Nebuzaradan nih Gedaliah zauhkhenhnâk tangah a siah na mi leh Baruk leh kei khawm hawng kan kalpi rawh.

DEUTERONOMY 33:3

LALPA nih a mi tla chu a dâwt na hen amah mi tla chu a hum na. Churuangah a kê phûr ah kan kûn le, a thupêk tla kan zûl.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.