THUSIMTU 8:8 - Bawm Common Language Bible Version

⁸ Âukhawm a thi ding mi lakah a vêng hen a thih ni a lanh kho lo. Chu chu raltuknâk kan âwl kho lo mi chu asi; kan lampi ah kal ding kan âwl kho lo.

THUSIMTU 8:8 ပူးပေါင်းရင်းမြစ်များ

2 SAMUEL 14:14

Kan thi ver ding ko rawh, tual ah tî thlêt hen pumh nawlh kho lo mi hâwi hen kan si ko rawh. Pathian khawm nih a thi rawh mi chu a nunh nawlh lo. Sikhawmsele, Lalchem nih chun a tâng mi minung kîr nawlh ding hen a lampi a hâwl kho asi.

2 Lal 7:15

Chu minung tla chu Jordan tiang an va kal le, Siria tla an tek liauah an thlâu mi nipuan leh thilthuam lampi tluan hen an tawng; an kîr le, lal sinah an simh.

JOB LASUIBU 14:5

A lân pakan hen a dam ding ni tla chu ruat chia asi. A dam zat ding thla tla khawm. Nangnih na ruat rawh mi chu thleng nawlh kho asi lo.

JOB LASUIBU 34:14

Pathian nih nungnâk thaw a lâk chun,

SAM 89:48

Âu me thi lo hen dam kumza kho? Zei minung me thlân ah kallo ding hen â vêng kho?

SAM 9:17

Thihnâk hi misual zawzawng leh Pathian duhlotu zawzawng dawnghnâk asi.

THUFING LASUIBU 12:3

Sualnâk lakah chun himnâk a um lo. Sikhawmsele mirep chu bir tak hen a dîr.

THUFING LASUIBU 14:32

Misual tla nih an thilti hen anmah niamnâk ding hen thil an ti le, sikhawmsele, mi ṭha lam chu an rangtlingnâk hen anna hum.

THUSIMTU 3:21

Minung thlarau chu vân leiah a kal, ramsa thlarau chu tual leiah a ṭum, ti âunih a theih kho?

THUSIMTU 8:13

Sikhawmsele misual rangah chun sul-le-lam a tluang kho lo. An nungnâk chu thlapelê hâwi asi. Pathian ê-aw an ngâilo ruangah seino an si liauah an thi lai,” an ti mi ka theih.

THUSIMTU 9:12

Na hun a hawng tlung ding mi na theih loh. Thang nih va a awh sawm mi, lên lakah ngâ a tâng sawm mi hâwi hen, mêtê hen kan ruat mi thilsual nih zeikarlo ah hawng kan awh.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

ISAI 28:18

Thihnâk hen thutiamnâk nan siam mi chu a vei lai le, laikulh thihnâk hen remnâk nan siam mi chu râwk asi lai. Siatnâk nih a hawng niamh chun neh hen nan um lai rawh.

ISAI 47:10

“Na thilsual ti chu nangmah ngelchel nih na theih ko le; mi âukhawm nih an muh lo ding hen na ruat. Na finghnâk leh na theihnâk nih lampi a nan vâitir le, ‘Pathian kasi, kei banghtu âukhawm an um lo,’ na thinlung ah na ti.

1 KORIN 15:43

Chak lo a tuh hen a um le, thiltikhonâk nei a thawh hen a um.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.