THUSIMTU 8:7 - Bawm Common Language Bible Version

⁷ Âukhawm nih thil hawng tlung ding mi kan theih lo le, pakhat khawm hawng kan simhtu ding an um lo.

THUSIMTU 8:7 ပူးပေါင်းရင်းမြစ်များ

ESTHER 5:12

Haman chu â sawr vima le, “Lalnu Esther nih puai einâk ah kei leh lal cho hawng kan sâwm le, thâi ah mi lak khawm hawng kan sâwm awt fâwn.

THUFING LASUIBU 24:22

Chu tla chu sâwtlotê ah siat-le-râwk hen an um lai. Pathian leh lal nih chun siat-le-râwknâk an tlungtir kho ti na theih lo ma?

THUFING LASUIBU 27:1

A thâituan ding mi chu a rinh lah. A kar lakah zei thil a hawng um awt na theih lêm lo.

THUFING LASUIBU 29:1

Zeiliau zawng ah nunsimh kip ah na lungkhung chun, veikhat chu na râwk teh lai le, na ṭha kho lai lo rawh.

THUSIMTU 10:14

Mi â thusim chu â phân zûl. Thil hawng um ding mi âukhawm nih a theih loh, kan thih nûnah thil a hawng um ding mi âukhawm nih hawng kan simh kho lo.

THUSIMTU 3:22

Churuangah kan ti ding ṭha chem chu rian kan ṭuan mi lakah kanna lâwm ding asi ti ka theih. Thil dang zeikhawm kan ti kho mi a um lo. Kan thih nûnah lam chun thil a hawng tlung ding mi theih khonâk kan rangah lampi a um lo.

THUSIMTU 6:12

Mi, a nungnâk tâwi tak, mang tlâklo dâidul hâwi hen a vei ving mi rangah a ṭha chem ding âunih theih kho lai? Mi nih a thih nûnah laikulh ah thil a hawng um ding mi âunih theih kho lai?

THUSIMTU 7:14

Na rang thil zeizawng a tluang chun a lâwm le, nawknâk a hawng tlung chun, Pathian nih lawksawngnâk leh lawmhnâk hi a tlungtir mi vevê asi ti theih rawh, a nehnûnah zei a hawng tlung awt nawlh ti na theih loh.

THUSIMTU 9:1

Hi bang thu tla hi sâwt tak leh harsa tak hen ka dawn le, mifing leh mirep tla thilti an dâwt mi leh an hua mi lakah Pathian thu thu a sizia ka muh. Âukhawm a mâilei ah thil hawng um ding a theih lo.

THUSIMTU 9:12

Na hun a hawng tlung ding mi na theih loh. Thang nih va a awh sawm mi, lên lakah ngâ a tâng sawm mi hâwi hen, mêtê hen kan ruat mi thilsual nih zeikarlo ah hawng kan awh.

MATHAI 24:44

Churuangah, nannih khawm râlring kumza hen um u, nanna râlring lo tikah Minung Fapa a hawng kal awt ruangah.

MATHAI 24:50

chu to-aw pu chu â râlring lo ni ah, a theih lo karah a hawng kal lai le;