THUSIMTU 8:16 - Bawm Common Language Bible Version

¹⁶ Zeiliau zawng ah mifing si hen laikulh ah thil umdân theih ding ka tum le, a sûn a zân hen meng khawm le,

THUSIMTU 8:16 ပူးပေါင်းရင်းမြစ်များ

GENESIS 31:40

Vei tam tak sûn nî linh leh zân ah deih ka tuar le, it khawm ka it kho lo.

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

THUSIMTU 1:13

Hi laikulh ah thilti hen a um mi tla chu nik hen theihthiam hep ding hen ka tum. Pathian nih kan tlûnah vânduainâk hamhkâi tak a siah.

THUSIMTU 1:14

Thil zeizawng hi laikulh ah ti hen a um mi tla ka muh le, zeikhawm asi lo ti ka nan simh. Thli ṭhâwl hâwi asi.

THUSIMTU 1:17

Theihthiamnâk leh mâwlnâk, finghnâk leh âtnâk â dang zia theih ka tum. Sikhawmsele, thli ṭhâwl mi hâwi cho kasi ti ka theih.

THUSIMTU 2:23

Na dam kar zawng ah thil zeizawng na ti mi nih thil zeikhawm a suah lo, dîtnâk leh thinlung fâknâk cho asi. Zân ah khawm na thinlung â dîn kho lo. A ektê hen zeikhawm asi lo.

THUSIMTU 4:8

Mi pakhat amah lâwng hen hinah hin a um. Fapa khawm a nei lo, unau khawm a nei lo, sikhawmsele rianṭuan kumza hen a um le, a neih khawm nih a lawmhtir lêm lo. Chu hâwi hen mah nuamnâk ah mang lo hen hamh tak a rianṭuantu chu âu rangah a ṭuan mi asi lai rawh ne? Chu khawm chu zeikhawm asi lo mi asi fâwn, chu chu hamhkâi tak hen umnâk asi.

THUSIMTU 5:12

Rianṭuan mi nih chun ei ding a nei tâwk kho, a nei tâwk lo kho, sikhawmsele a ihmu lam chu a thaw lai. Minei pa chu, zeizat tal nei khawmsele a riaurak lai.

THUSIMTU 7:25

Sikhawmsele theih ding leh sîn ding hen ka pêk le, finghnâk leh ka deih mi sângnâk tawng ding ka tum hen misual leh mi mâwl tla khawm zeirang titi an mâwl ti theih ka tum.

THUSIMTU 8:7

Âukhawm nih thil hawng tlung ding mi kan theih lo le, pakhat khawm hawng kan simhtu ding an um lo.

THUSIMTU 8:9

Hi laikulh ah thilti hen a um mi tla ka dawn liauah hi bang zawzawng hi ka muh, chu laikulh ah chun mi zeimaw mi chu thiltikho tak hen an um le, a dang tla chu an tangah tuartu tla an si.