THUSIMTU 8:13 - Bawm Common Language Bible Version

¹³ Sikhawmsele misual rangah chun sul-le-lam a tluang kho lo. An nungnâk chu thlapelê hâwi asi. Pathian ê-aw an ngâilo ruangah seino an si liauah an thi lai,” an ti mi ka theih.

THUSIMTU 8:13 ပူးပေါင်းရင်းမြစ်များ

JOB LASUIBU 14:2

Chawmpâr hâwi hen kan uai sawm le; kan tlâu ving.

JOB LASUIBU 18:5

Misual chêunâk chu mih asi lai le, a meialh chu a alh nawlh lai lo rawh.

JOB LASUIBU 20:5

misual chu lâwm tak hen sâwt an um loh ti a lân thawk hen na theih chia asi.

JOB LASUIBU 21:30

Ni khat chu Pathian a thinthawk le, a rêp na, misual chu zuah asi kumza tâwn.

SAM 11:5

Misual leh miṭha chu a nik vevê na le, dân nei lo mi chu a thinlung zawzawng hen a hua na.

SAM 144:4

Minung chu thaw hâwi cho asi, a san chu dâidul â ṭhial vima mi hâwi asi.

SAM 37:1

Misual ruangah na lawksawngtir lah; diklo tak hen thil titu khawm ngarh lah.

SAM 39:5

Ka san chu na tâwitir chiam e! Na mitmuh ah ka dam sung hi zeikhawm asi lo. Minung nungnâk hi thli lêng tluk khawm asi lo,

SAM 55:23

Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.

THUSIMTU 3:14

Pathian nih thil a ti mi zawng chu a um kumza awt ti ka theih. Chu lakah chun zeikhawm na sap kho lai lo, chu lakah mi zeikhawm na lâk kho lai lo. Pathian nih thil pakhat a ti mi chu amah ṭihtu ding hen hawng kan siam mi chu asi.

THUSIMTU 5:7

Zeizat tal mang manh khawm le, rian rawtrâi lo zeizat tal ti khawm le, thu zeizat tal sim khawm le a pâwi lo, Pathian chu na ṭih kumza ding asi.

THUSIMTU 6:12

Mi, a nungnâk tâwi tak, mang tlâklo dâidul hâwi hen a vei ving mi rangah a ṭha chem ding âunih theih kho lai? Mi nih a thih nûnah laikulh ah thil a hawng um ding mi âunih theih kho lai?

THUSIMTU 7:15

Ka nungnâk hi zeikhawm asi lo rawh le, sikhawmsele chu lakah thil zeizawng ka muh. Midang sual ngâi bû hen a dam liauah mi ṭha lam a thi kho.

THUSIMTU 7:18

A leiluat hen um lah. Phung leikâng mi na si chun, zei leikâng zawng ah na dingchang lai.

THUSIMTU 8:8

Âukhawm a thi ding mi lakah a vêng hen a thih ni a lanh kho lo. Chu chu raltuknâk kan âwl kho lo mi chu asi; kan lampi ah kal ding kan âwl kho lo.

ISAI 3:11

Sikhawmsele misual chu siat leh râwk hen an um le; midang tlûnah thil an ti mi tla chu anmah tlûnah ti hen a um lai.

ISAI 30:13

Nan sual rawh. Kulh sâng tak a kak le, a chim mi hâwi nan si; nan tlû sawm lai.

ISAI 57:21

“Misual tla rangah himnâk rêng a um lo,” LALPA nih a ti.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

JEREMIA 44:10

Sikhawmsele tutiang khawm ah thinlung nâunâk rêng nan nei lo. Nanmah leh an thlâk natu sinah dân ka nan pêk na mi zawzawng hâwi a um hen kei rangah nan hawng ka zah lo thlo.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

JOHAN 5:29

thil ṭha titu tla chu nungnâk ting hen an thawknawlh lai le, thilsual titu tla chu mawhnâk ting hen an thawknawlh lai.

JEM 4:14

thâituan ah nan nungnâk thu zei hâwi hen me a hawng um awt ti nan theih lo. Sûm sâwtlotê a hawng lang le, a tlâu nawlh mi hâwi nan si ruangah.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.