THUSIMTU 7:26 - Bawm Common Language Bible Version

²⁶ Nunau a thi mi ngâk hen thil zeimawh khâ dauh mi ka tawng. Nunau nih a nan duh mi chu, na rangah thang nih an awh mi hâwi leh lên nih an awh mi hâwi hen an awh lai le; a kut hen a nan kuah mi chu thîr chikchîn hen an khih mi hâwi asi. Pathian lawmhtirtu tla chu, chubang lakah mi anna kiang le, sikhawmsele misual chu a tleih na lai.

THUSIMTU 7:26 ပူးပေါင်းရင်းမြစ်များ

GENESIS 19:35

Churawhchun, chu zân khawm rî nek hen an dinh le, a fanu a niang dauh mi chu a va a ihpitir. Chu liau khawm a rî nek le, zeikhawm a theih loh.

GENESIS 39:9

Amah hen bang cho hen hi in ah hin thuneitu ah hawng ka siam, nangmah cho lo chu ka kut ah ap lo mi zeikhawm a um lo, zeitin kha bang hâwi thil diklo ti hen Pathian tlûnah thilsual ka ti kho lai?” a ti.

EXODUS 10:7

Chun, lalchem rianṭuantu tla nih lalchem sinah, “Zeitiang riamruam me hi minung nih hawng kan nawktir awt? Israel mi tla hi suaktir na ko, LALPA an Pathian chu an va sawnh khonâk ding hen. Aigupta ram a râwk dep mi hi na theih lo ma?” an ti.

THUFING LASUIBU 2:16

Nunau hawlhkâ nêm tak hen a nan lêmtu thinlung chu na do kho lai.

THUFING LASUIBU 22:14

Ṭângdang pâwmnâk chu thang asi. Chu nih a awh na mi tla tlûnah LALPA a thinthawk.

THUFING LASUIBU 6:23

A nan sîntirnâk chu chêu asi le; nun a nan simh mi chu umdân ding a nan simh kho lai.

THUFING LASUIBU 6:24

Nunau sual lakah mi a nan vêng lai le, midang nupi nih an lêmnâk lakah a nan hum lai.

THUFING LASUIBU 9:18

A perpet mi tla a in ah va kal mi tla nih chun laikulh thihnâk thûk takah an lût rawh ti an theih lo.

THUSIMTU 2:26

Pathian nih amah lawmhtirtu tla chu finghnâk leh lâwmnâk leh theihnâk a pêk, sikhawmsele misual tla lam chu rian a ṭuantir na, a hâwltir na, a khawng tir na, an tawng mi tla chu amah lawmhtirtu tla rangah pêk ding hen. Zeikhawm an si lo, thli ṭhâwl mi hâwi asi.

THUSIMTU 7:27

Mifing nih chun, asi, a sângnâk ka hâwl liauah hi bang tla tâwm tâwm ka tawng vima.