THUSIMTU 7:2 - Bawm Common Language Bible Version

² Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

THUSIMTU 7:2 ပူးပေါင်းရင်းမြစ်များ

SAM 90:12

Kan san tâwi zia hi hawng kan sîntir le, chu tikah kan fing kho lai.

THUSIMTU 2:14

Mifing tla nih an kalnâk ding an muh kho, mi â tla nih chun an muh kho lo,” ti ka theih. Sikhawmsele chu vânduainâk nih chun kan ektê hen bang khap hen hawng kan ngâk.

THUSIMTU 2:16

Âukhawm nih mifing khawm mi â khawm an theihkumza lo. Hi nûnthâi mâilei ah chun philh kan si hep lai. Mifing hen mi â hen bang cho kan thi lai.

THUSIMTU 3:19

Chubang nûnah chun minung leh ramsa chu bang cho hen thi ding mi an si. Pakhat a thi mi hâwi hen a dang khawm a thi lai. An panih hen thilsiam bang cho an si vevê. Minung hi ramsa ngâk hen an ṭha dauh lêm lo, nungnâk lakah anna dang lo ruangah.

THUSIMTU 3:20

Valeidip ah bang cho hen anna chang vevê awt. Chu valei thawk hen suak mi an si vevê le; chu valei lîlâ ah anna chang vevê lai.

THUSIMTU 6:6

sikhawmsele minung kum sâng nih dam hen a dam sungah lâwmnâk tawnglotu ngâk chun dinhnâk tawngtu a ṭha dauh. Chu nûnah chun an panih hen mun pakhat ah an kal vevê lai.

THUSIMTU 9:2

Zeikhawm â dangnâk a um lo. Mirep leh misual, mi ṭha leh mi ṭhalo phung leikâng si mi leh silo mi, bâwlnâk aptu leh aplotu sin khawm ah vânduainâk bang cho a tlung. Mi ṭha khawm misual ngâk hen a ṭha dauh lêm lo; siat tleihtu khawm tleihlotu ngâk hen a ṭha dauh lêm lo.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

THUSIMTU 9:5

Asi, a nung mi tla nih chun thi ding mi an si ti an theih le, sikhawmsele a thi mi lam nih chun zeikhawm an theih lo. Hi nûnah lâwmman tawng ding mi khawm an nei lo; âu theih khawm an si lo rawh.

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

JEREMIA 16:8

“Mi tla puai einâk in khawm ah va lût lah. An sinah din leh ei ding khawm hen to lah.

HAGAI LASUIBU 1:5

Nan sinah thil a hawng tlung mi hi nan muh lo ma?

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

NUMBER 23:10

Israel thlâk tla chu valeidip hâwi an si- Rêl ding hen an tam tuk. Pathian mi tla lakah pakhat hâwi hen ka san dawngtir le; Mi rep tla hâwi hen lungngam tak hen hawng ka thihtir” a ti.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.

DEUTERONOMY 32:46

“Tusûn ni ah hi thupêk tla zawzawng ka nan pêk na mi hi zûl ding hen theih set u. Nan fa tla simh lemang na ule, Pathian sîntirnâk zawzawng zumhkâi tak hen an zûl kho ding hen.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.