THUSIMTU 7:18 - Bawm Common Language Bible Version

¹⁸ A leiluat hen um lah. Phung leikâng mi na si chun, zei leikâng zawng ah na dingchang lai.

THUSIMTU 7:18 ပူးပေါင်းရင်းမြစ်များ

THUFING LASUIBU 12:21

Mirep sinah chun thil ṭhalo zeikhawm a tlung lai lo. Misual lam chu nawknâk cho lo chu zeikhawm a nei lai lo.

THUFING LASUIBU 8:20

Mirep lampi ka zawh le; diknâk lampi ka zûl.

THUSIMTU 11:6

Zînglei leh zânlei khawm ah chi tuh rawh. Ṭhadektê hen a kho hep lai mawh pakhat tuh mi chu a dang ngâk hen a ṭha dauh awt mawh ti na theih lo.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

THUSIMTU 3:14

Pathian nih thil a ti mi zawng chu a um kumza awt ti ka theih. Chu lakah chun zeikhawm na sap kho lai lo, chu lakah mi zeikhawm na lâk kho lai lo. Pathian nih thil pakhat a ti mi chu amah ṭihtu ding hen hawng kan siam mi chu asi.

THUSIMTU 5:7

Zeizat tal mang manh khawm le, rian rawtrâi lo zeizat tal ti khawm le, thu zeizat tal sim khawm le a pâwi lo, Pathian chu na ṭih kumza ding asi.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

THUSIMTU 8:13

Sikhawmsele misual rangah chun sul-le-lam a tluang kho lo. An nungnâk chu thlapelê hâwi asi. Pathian ê-aw an ngâilo ruangah seino an si liauah an thi lai,” an ti mi ka theih.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.

LUK 11:42

“Nannih Farisai tla, nan tlûn a pit! Pudina, chawngrei leh, thlâi kip tla parâ lû ah pakhat nan pêk tâwn le, repnâk leh Pathian dâwtnâk chu nan thlahthlamh tâwn. Chubang tla chu asi nan ti ding mi chu, a dang tla chu tlawlh lêmlo hen.