THUSIMTU 7:17 - Bawm Common Language Bible Version

¹⁷ Sikhawmsele sual tuk lah le, â tuk lah, na thih ni a tlung lânah zei rangah thih na tum?

THUSIMTU 7:17 ပူးပေါင်းရင်းမြစ်များ

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

JOB LASUIBU 22:16

Annih chu an tik a tlung lânah tîlian nih a fenh ving na.

SAM 55:23

Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.

THUFING LASUIBU 10:27

LALPA thu ngâi le, na san a sâu lai. Misual tla chu an thih cham phanh lânah an thi.

EZEKIEL 16:20

“Churawhchun, fapa leh fanu na ka ring piak mi khawm bâwlnâk ah milem sinah na ap na.

EZEKIEL 8:17

LALPA nih ka sinah, “Thikho mi minung, kha kha na muh ma? Hi Juda mi tla nih hin ah thil fihnungkâi zawzawng ti hen na muh na hen ram pumpi ah siat leh râwknâk an zanh. Chu lâwng khawm silo hen, ka Biakin sung khawm an hawng lai le, ka thinthawknâk an zualtir khun lai. An hawng ka zauhnawmh hen sual kho rirî an sual mi hi zauhnik!

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.

THILTI 16:28

Sikhawmsele, Pawl chu hâu fâk tak hen a âu le, “Zeitin khawm a ti lah, kan ektê hen hinah kan um ver rih asi,” a ti.

THILTI 5:10

Chun, lâkkhatko ah a kê bul ah a tlû sawm le, a thi bâk rawh. Chun, tlangvâl tla chu an hawng lût le, anih chu thi hen an hawng muh, an zawnh le, a pasal kiangah chun an vûi rawh.

THILTI 5:5

Chun, Anania nih chubang thu chu a theih kâ hen a tlû le, a thi rawh. Chun, a theih mi vial nih thungâi an ṭih.

JEM 1:21

Chîng dân nâwmtâm leh sual kip thawk hen a thlei u. Pathian sinah a pêk ule, chun nan thinlung ah tuh hen a um mi Pathian thu, ruang an suah kho natu chu pawm u.

1 SAMUEL 25:38

Ni râ nûnah chun Nabal chu LALPA nih a vuak le, a thi rawh.