THUSIMTU 7:14 - Bawm Common Language Bible Version

¹⁴ Na rang thil zeizawng a tluang chun a lâwm le, nawknâk a hawng tlung chun, Pathian nih lawksawngnâk leh lawmhnâk hi a tlungtir mi vevê asi ti theih rawh, a nehnûnah zei a hawng tlung awt nawlh ti na theih loh.

THUSIMTU 7:14 ပူးပေါင်းရင်းမြစ်များ

1 Lal 8:47

na mi tla thlachamnâk ngâi piak na rawh. Sal ah kalpi hen an umnâk ram ah an sual tla an phuang hen an rim chun an thlachamnâk ngâi piak na rawh LALPA.

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

SAM 119:71

Rêp hen ka um mi kei rangah chun a ṭha, na dân thu zûl ding hen lungfiang a ka suah ruangah.

SAM 40:3

La thar, kan Pathian sawrnâk la chu hawng ka sîntir. Hi muhtu tam tak nih an ṭih lai le, LALPA chu an zumh lai.

THUSIMTU 10:14

Mi â thusim chu â phân zûl. Thil hawng um ding mi âukhawm nih a theih loh, kan thih nûnah thil a hawng um ding mi âukhawm nih hawng kan simh kho lo.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

THUSIMTU 12:8

Mifing nih chun, zeikhawm asi lo, zeikhawm asi lo. Thil zeizawng hi zeikhawm asi lo, a ti.

THUSIMTU 3:22

Churuangah kan ti ding ṭha chem chu rian kan ṭuan mi lakah kanna lâwm ding asi ti ka theih. Thil dang zeikhawm kan ti kho mi a um lo. Kan thih nûnah lam chun thil a hawng tlung ding mi theih khonâk kan rangah lampi a um lo.

THUSIMTU 3:4

Ngaihsiat tik leh lâwm tik a ruat. Lungfâk tik leh lâm tik khawm a ruat.

THUSIMTU 5:17

Mûi nâwngah ngaihsiat hen, dî hen, thinthawk hen leh damlo hen kan um.

THUSIMTU 8:7

Âukhawm nih thil hawng tlung ding mi kan theih lo le, pakhat khawm hawng kan simhtu ding an um lo.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

JEREMIA 23:20

ti ding hen a tum mi a lîm lânlo chu a bâng lai lo. Ni a hawng tlung ding mi lakah a mi tla nih fiang tak hen hi hi an theih lai rawh,” ka ti.

LUNGFÂKNÂK 3:38

A thupêk lakah chun a ṭha mi leh a sia mi anna bang cho.

MIKAH 6:9

LALPA ṭih chu fingnâk asi. Khuapi a auh le, “Nannih khuapi ah a pûmtu tla, ka thu ngâi u!

MATHAI 9:13

Chuvachun, ‘Bâwlnâk duh lo hen khuaruatnâk ka duh,’ ti hi a umzia va a sîn u; mirep tak tla lam ding hen hawng kal kasi lo le, misual tla lam ding hen hawng kasi dauh,” a ti.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

DEUTERONOMY 26:11

LALPA nan Pathian nih nanmah leh nan dâwngsungkhur tla rangah thil ṭha a nan pêk na mi tla lakah a lâwm u; Levi leh ramdang minung nan sinah um mi tla khawm nih an ulhpi na bâk seh.

DEUTERONOMY 28:47

LALPA nih thil zeizawng ah mal an sâwm na le, sikhawmsele nannih lam nih chun thinlung lâwm bû leh lâwptlo bû hen a rian nan ṭuan lai lo.

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.

DEUTERONOMY 8:5

LALPA nan Pathian nih pa nih a fa tla nun a simh hâwi hen repnâk hen lungfîm an suah na asi ti theih u.

JEM 5:13

Nan lakah a lawksawng mi an um ma? Thlacham seh. Anna lâwm mi an um ma? Sawrnâk la sak seh.