THUSIMTU 7:12 - Bawm Common Language Bible Version

¹² tangka nih a hum kho hâwi hen a nan hum lai. Finghnâk nih a nan hum le, chu chu theihthiamnâk a ṭhatvaknâk asi.

THUSIMTU 7:12 ပူးပေါင်းရင်းမြစ်များ

JOB LASUIBU 1:10

Nangmah nih amah leh a dâwngsung tla na zauhkhenh kumza le, thil zeizawng na neitir. A thilti zeizawng ah mal na sâwm piak le, ram khat rê hen ranrual na pêk.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

THUFING LASUIBU 11:4

Na thih ni ah neihnâk chu zeikhawm asi lo. Sikhawmsele zumhkâinâk nih na nungnâk chu a hum kho.

THUFING LASUIBU 14:20

Mi pâm chu a zâwlbâwm âukhawm nih an duh lo le, minei lam chu hâwikawmh tam tak a nei.

THUFING LASUIBU 2:11

Na muhnâk leh na theihthiamnâk nih a nan vêng lai le,

THUFING LASUIBU 2:7

Ṭangpinâk a pêk le, mirep zumhkâi rangah a hum na.

THUFING LASUIBU 3:18

Mi a hawng fing mi chu thungâi anna lâwm, finghnâk nih nungnâk a pêk na.

THUFING LASUIBU 8:35

Kei an hawng ka tawngtu chu nungnâk an tawng mi asi. LALPA a lakah â lâwm lai.

THUFING LASUIBU 9:11

Finghnâk nih na nungnâk kum a sap lai.

THUSIMTU 10:19

Puaituah nih a nan lawmhtir le, uain nih nuamnâk a nan pêk, sikhawmsele tangka na nei lo chun, chubang chu tawng kho mi asi lo.

THUSIMTU 2:13

Asi, “finghnâk chu âtnâk ngâk hen a ṭha dauh, chêu chu mûi ngâk hen a ṭha dauh hâwi hen.

THUSIMTU 7:19

Lâirêltu parâ nih khuapi rangah an tikho mi ngâk hen finghnâk nih minung rangah a ti mi a tam dauh.

THUSIMTU 9:16

Chaknâk ngâk hen finghnâk a ṭha dauh ka ti kumza le, sikhawmsele, âukhawm nih mipâm chu mifing ah an ruat lo le, a thusim khawm an ngâi piak duh lo.

THUSIMTU 9:18

Finghnâk nih chun riamnâm ngâk hen thil ṭha a ti dauh le, sikhawmsele misual pakhat nih thil ṭha tam tak a râwk kho.

ISAI 30:2

Keimah thu lo hen Aigupta ah ṭangpi sâwm ding hen an kal. Anmah humtu ding ah Aigupta chu an duh le, churuangah Aigupta lalchem lakah anna ngauh.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

JOHAN 12:50

A thupêk chu zungzâl nungnâk asi ti ka theih. Churuangah chun thu ka sim mi hi Pa nih hawng ka simh hâwi vima hen ka sim asi,” a ti.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

DEUTERONOMY 32:47

Hi sîntirnâk tla hi thu salam asi lo; nan nungnâk bul tak asi. Zûl ule, Jordan Va kanh hen nan va luah ding mi ram ah nan um kumza lai,” a ti.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

LÂIRÊL 9:15

Chu bualingnei nih a sâng le, ‘Nan lalchem siding nan ka duhtak mi asi chun hawng ule, ka thlaliah tangah a dawr u. Chu hâwi nan tilo chun ka ling ṭeng tla lakah mei a hawng alh lai le, Lebanon Tlângah sidar thing tla chu a kâng lai,’ a ti.