THUSIMTU 6:6 - Bawm Common Language Bible Version

⁶ sikhawmsele minung kum sâng nih dam hen a dam sungah lâwmnâk tawnglotu ngâk chun dinhnâk tawngtu a ṭha dauh. Chu nûnah chun an panih hen mun pakhat ah an kal vevê lai.

THUSIMTU 6:6 ပူးပေါင်းရင်းမြစ်များ

GENESIS 5:5

chun kum 930 a tling ah a thi rawh.

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

JOB LASUIBU 30:23

Ka thihnâk ding leikângah, mikip a thi mi tawngpumhnâk ah na ka put ti ka theih.

JOB LASUIBU 7:7

“Pathian, ka nungnâk hi thaw cho asi le; ka lâwmnak tla hi a dawng chia rawh ti theihkumza.

SAM 34:12

Nun nuam tak hen um ding na duh ma? San sâu leh lâwmnâk na duh ma?

THUSIMTU 12:7

Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

THUSIMTU 2:14

Mifing tla nih an kalnâk ding an muh kho, mi â tla nih chun an muh kho lo,” ti ka theih. Sikhawmsele chu vânduainâk nih chun kan ektê hen bang khap hen hawng kan ngâk.

THUSIMTU 3:20

Valeidip ah bang cho hen anna chang vevê awt. Chu valei thawk hen suak mi an si vevê le; chu valei lîlâ ah anna chang vevê lai.

THUSIMTU 6:3

Mi nih fa tla zâ nei hen sâwt tak a dam kho, sikhawmsele lâwmnâk zeikhawm nei lo hen a thlâk tla amah vûitu khawm um lo mi chu, fasêm a thi chia hen a suak mi lam ṭha dauh ka ti.

THUSIMTU 6:5

Sûn nî chêu khawm a muh lo, nungnâk hi zei hâwi asi ti khawm a theih loh,

THUSIMTU 7:2

Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

THUSIMTU 9:2

Zeikhawm â dangnâk a um lo. Mirep leh misual, mi ṭha leh mi ṭhalo phung leikâng si mi leh silo mi, bâwlnâk aptu leh aplotu sin khawm ah vânduainâk bang cho a tlung. Mi ṭha khawm misual ngâk hen a ṭha dauh lêm lo; siat tleihtu khawm tleihlotu ngâk hen a ṭha dauh lêm lo.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

JEREMIA 17:6

Chu minung chu ramkaro ah thing bû tual châr lakah leh tual al thildang zeikhawm keuh kholonâk mun ah mi hâwi asi. Chu minung sinah chun thil ṭha zeikhawm a tlung lai lo.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.