THUSIMTU 6:2 - Bawm Common Language Bible Version

² Pathian nih âumawh neihnâk, zahkâinâk leh thil-le-rî a pêk le, asi, a duh phung zeizawng khawm, sikhawmsele chu lakah chun a lâwmhtir awtlo. Khual zeimaw zat rangah lâwmnâk lam asi dauh lai. Thil zeikhawm lo leh thil diklo hep asi.

THUSIMTU 6:2 ပူးပေါင်းရင်းမြစ်များ

1 Lal 3:13

Na ka deih lo mi thil na damsung zawzawngah neih-le-siahnâk leh zahkâinâk lal dang dang nih an nei mi ngâk hen tam dauh ka nan pêk lai.

1 CHRONICLES 29:25

LALPA nih phun zawzawng zah ding hen Solomon chu a siam le, a lânah mi lal zawzawng ngâk hen rokual khun hen a siam.

1 CHRONICLES 29:28

Tar khên hen a thi, neih-le-siah leh zahkâi tak hen a um, a fapa Solomon chu a ruangrûl ah a lal.

2 CHRONICLES 1:11

Pathian nih Solomon chu a sâng le, “Na thîm mi chu a dik asi. Neih-le-siahnâk mawh, minthangnâk leh na mêlma tla thihnâk mawh san sâunâk mawh na ka deih lo le, ka mi le tla lâirêltu ding hen lal ah kan thîm ruangah finghnâk leh theihnâk na hawng ka deih mi chu a dik asi.

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

SAM 39:6

dâidul tluk khawm asi lo. A thilti zawzawng zeikhawm asi lo; âunih â ting awt ti theihlo thlo hen neih a khawng.

SAM 73:7

an thinlung nih sualnâk a suah, an thinlung chu sual thilti tumnâk hen a khat.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

THUSIMTU 4:8

Mi pakhat amah lâwng hen hinah hin a um. Fapa khawm a nei lo, unau khawm a nei lo, sikhawmsele rianṭuan kumza hen a um le, a neih khawm nih a lawmhtir lêm lo. Chu hâwi hen mah nuamnâk ah mang lo hen hamh tak a rianṭuantu chu âu rangah a ṭuan mi asi lai rawh ne? Chu khawm chu zeikhawm asi lo mi asi fâwn, chu chu hamhkâi tak hen umnâk asi.

THUSIMTU 5:13

Hi laikulh ah hin thil ṭihnungkâi ka muh mi a um, mi nih an herh mi tik rangah an tangka an hum le,

THUSIMTU 5:16

A diklo ma? Kan hawng mi hâwitê hen kan kal. Thil tleih ding tum hen kan ṭuan mi lakah zei kan tawng?

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

THUSIMTU 5:19

Pathian nih minung rangah neihnâk leh thil-le-rî a pêk chun chu lak chun a lâwmtir le, a ṭuan mi lakah a lâwm hen a lâwptlo ding asi. Pathian thilpêk asi.

ISAI 55:2

Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

LUNGFÂKNÂK 5:2

Kan thil-le-rî chu khual tla kut ah a um le; ramdang mi tla chu kan in tla ah an um.

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

HOSEA 7:9

phun dang tla lakah anna ngauh mi nih an chaknâk a veih ti an theih loh. An ni tla chu rêl hep asi le, sikhawmsele chu hâwi asi ti an theih lo nget rih.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.

DEUTERONOMY 28:43

“Ramdang minung nan ram ah um mi tla chu nannih nan vei dadauh liauah annih chu anna dingchang dadauh lai.

LÂIRÊL 18:10

Chunah nan va tleng chun mi tla nih zeikhawm zumhmaihnâk an nei lo ti nan theih lai. Ram kâupî asi; minung nih duhphung zeizawng a um hep, chu chu Pathian nih an pêk na rawh,” an ti.