THUSIMTU 5:8 - Bawm Common Language Bible Version

⁸ Lâirêlnâk ah mipâm nehsawh hen um mi leh, an diknâk lakah diklo hen an ruat na mi chu na muh tikah chê ti lah. Rianṭuantu kip hi amah tlûnah mi nih a zauhkhenh le, an panih hen sâng dauh a rianṭuantu tla nih an zauhkhenh vevê na.

THUSIMTU 5:8 ပူးပေါင်းရင်းမြစ်များ

2 CHRONICLES 26:10

Mâng khawm ah kulhnei insâng a sak le, ranrual tam tak a nei ruangah tlângbul leh phâi ah tikhur tla a chawh. Lo leikâng sunhsak mi asi ruangah ram ah mi tlângah lo tla a tuahtir na.

JOB LASUIBU 24:23

Pathian nih him tak hen amah chu a vêng kho, zeiliau zawng ah a tlûnah a mit a rak kumza.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 55:9

LALPA! Ka mêlma tla thusim chu nawktir na le, khuapi ah rawknâk leh helnâk ka muh,

SAM 82:1

Pathian nih vân lâirêlnâk a ho na; Pathian tla pumhnâk lakah thu a thlûk:

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

SAM 95:3

LALPA chu Pathian chak asi ruangah leh pathian zawzawng lakah Pathian chak chem asi ruangah.

THUFING LASUIBU 22:16

Minei tla rangah thil na pêk hen, nei ding na duh ruangah a pâm mi tla na nâuneh chun nangmah ngelchel na pâm lai.

THUFING LASUIBU 24:12

Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

THUFING LASUIBU 8:17

Hawng ka dâwttu chu ka dâwt le, hawng ka hâwltu zawng nih an ka tawng lai.

THUSIMTU 3:16

Chu lo khawm ah, hi laikulh a diknâk leh reptak a um ding mi lakah hin sualnâk chu na tawng kho ti ka theih.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

THUSIMTU 5:9

Lalchem men fângzûn ding mi lakah â ngauh bâk.

THUSIMTU 7:7

Mifing nih âumawh a perpet chun, mi â hâwi hen thil a ti mi asi. Nawhnâk na lâk chun na umdân na râwk mi asi.

THUSIMTU 8:9

Hi laikulh ah thilti hen a um mi tla ka dawn liauah hi bang zawzawng hi ka muh, chu laikulh ah chun mi zeimaw mi chu thiltikho tak hen an um le, a dang tla chu an tangah tuartu tla an si.

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 3:15

Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

EZEKIEL 18:18

A pa nih mi a perpet hen râwk na hen mikip sinah thilsual a ti kumza. Churuangah amah ngelchel nih thilsual a ti mi ruangah a thi.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

AMOS 6:12

Lung tlûnah rang a tek lai ma? Mi nih chawchal hen tipi an nâwn ma? Sikhawmsele repnâk chu tûr ah nan changtir le, diknâk chu diklonâk ah nan changtir.

MIKAH 2:9

Ka mi tla nih an dâwt tak mi nunau tla in ah nuam tak hen an um mi chu nan nar na le, mal ka sâwm mi an fa tla chu nan rawk na.

ZEKARIA 8:6

“Tuah thibang phun tla nih chubang chu muh ding har ual ding hâwi hen a lang le, sikhawmsele kei rang lam chun tikho lo ding mi asi lo.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

LUK 1:32

Anih chu milian asi lai le, Chungnung chem Fapa an ti lai. Lalpa Pathian nih a sinah a thlâktu David laltophah chu a pêk lai.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 1:76

Asi, ka fa, nang hi Chungnung chem khuavâng a nan ti lai. Lampi tla siam ding hen Lalpa mâika ah na kal awt dangâiah.

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

1 PETER 4:12

Ka duhtak le tla, nan lakah a dân lo hâwi hen thil zeimawh hawng tlung menza khawmsele niknâk fâk tak nan tuar mi hi chê ti lah u.

1 JOHAN 3:13

Unau le tla, laikulh nih a nan hua na chun chê ti lah u.