THUSIMTU 5:17 - Bawm Common Language Bible Version

¹⁷ Mûi nâwngah ngaihsiat hen, dî hen, thinthawk hen leh damlo hen kan um.

THUSIMTU 5:17 ပူးပေါင်းရင်းမြစ်များ

GENESIS 3:17

Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh.

1 Lal 17:12

Anih nih, “LALPA na Pathian min sal hen ka sim asi, sang lam chu ka nei lo thlo. Ka neihlem mi chu sangvut zapai khat, oliv sariak dûr lakah zut khat ding cho ka nei. Hinah hin thing khawmh ding hen ka hawng mi asi, in ah ka tlung chun chu ka neihlem mi tâwmtê chu kei leh ka fapa rangah timhtuah ding hen. Chu chu kan buh einâk dawnghnâk asi lai le, churawhchun buh ngei hen kan thi awt ko rawh,” a ti.

2 Lal 1:2

Israel lalchem Ahaziah chu Samaria ah a lal in tlûn varanda chuanh kardang thawk hen a tlâ le, â liam zia a fâk thlo. Churawhchun, Ekron ah mi Philistia khuapi pathian Baal Zebub sinah krai khâi ding hen mi a fial le, dam kho ding asi awt ma awtlo ti theih ding a duh ruangah.

2 Lal 1:6

Annih nih an sâng le, “Minung pakhat kanna tawng mi nih, kîr hen LALPA thusim nangmah an simh ding hen hawng kan simh, “Zei rangah Ekron khua pathian Baal Zebub sinah krai khâi ding hen mi na fial na? Israel ram ah Pathian umlo hen na ruat ruangah ma? Na liam mi kha na dam lai loh; na thi lai!” ti hen.

2 Lal 5:27

Tuah Naaman phârnâk chu na lakah a hawng tlung lai, nang leh na thlâk tla nih nan nei pawt lai rawh!” a ti. Churawhchun, Gehazi chu a kal le, râi a vei chawlh le, a vun chu vûr hâwi hen a ngo rawh.

JOB LASUIBU 21:25

A zeimaw mi chu tâwm khawm lâwmnâk an nei lo thlo. Thinlung fâk bû hen an thi.

SAM 102:9

Na thinrunhnâk leh na thinthawknâk ruangah vachâm chu ka buh asi, ka din mi chu ka mitthli nih a chawmh. Na ka thur le, na ka lawnh ving.

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

SAM 39:6

dâidul tluk khawm asi lo. A thilti zawzawng zeikhawm asi lo; âunih â ting awt ti theihlo thlo hen neih a khawng.

SAM 78:33

Churuangah an san chu a dawnghtir le, an nungnâk chu siatnâk hen lâkkhatko ah a dawnghtir.

THUSIMTU 2:10

Zei thil tal ka duh mi chu ka nei; Nuamnâk zeikhawm ka dawktir lo. Rian ka ṭuan mi kip ah ka zûm le, chubang zawzawng chu ka lâwmman asi.

THUSIMTU 2:23

Na dam kar zawng ah thil zeizawng na ti mi nih thil zeikhawm a suah lo, dîtnâk leh thinlung fâknâk cho asi. Zân ah khawm na thinlung â dîn kho lo. A ektê hen zeikhawm asi lo.

THUSIMTU 2:24

Mi nih thil a ti kho mi lakah thil ṭha chem chu a rianṭuan tha ni lawh a ei a din hen â lâwm mi chu asi. Chubang tla khawm Pathian sin thawk hen mi asi ti ka theih.

THUSIMTU 7:14

Na rang thil zeizawng a tluang chun a lâwm le, nawknâk a hawng tlung chun, Pathian nih lawksawngnâk leh lawmhnâk hi a tlungtir mi vevê asi ti theih rawh, a nehnûnah zei a hawng tlung awt nawlh ti na theih loh.

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.