THUSIMTU 5:1 - Bawm Common Language Bible Version

¹ Biakin ah na kal chun a thiamthih rawh. Chunah sîn ding hen va kal chu zapi minung mâwl tak a dik leh diklo khawm theihlotu tla nih bâwlnâk an ap mi ngâk hen a ṭha dauh.

THUSIMTU 5:1 ပူးပေါင်းရင်းမြစ်များ

2 CHRONICLES 26:16

Uziah chu lal a hawng si le, a hawng chak dauh rawh chun zûmnâk thinlung a nei le, chu chu a niam phahnâk asi. Biakin ah rimthâw duah ding hen a kal mi lakah LALPA a Pathian lung a sitir lo.

JOB LASUIBU 22:12

Vân sâng ah Pathian a um hen, ârfi thlâpa sâng tak ah a um mi tlûnlei thawk hen a suk hen a hawng bih lo ma?

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

EXODUS 3:5

Pathian nih, “Hawng ka naih lah rawh. Na umnâk kha mun thenhlimh asi ruangah na pheikawk kha lît rawh.

EXODUS 30:18

“Dâr mâihûm, a tohnâk dâr hen siam rawh. Puanin leh mâichâm karah siah le, tî tleng.

THUFING LASUIBU 10:19

Na thusim a tam bilik leh na sual dadauh hâwi asi. Mifing na si chun na dâisip lai.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

THUFING LASUIBU 21:27

Misual nih thilsual an tinâk ah mi mang hen bâwlnâk an pêk mi chu LALPA nih a hua.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

THILTI 10:33

Churuangah na sinah mi ka hawng fial sawm asi; na hawng kal hi a ṭha. Chun Lalpa nih thu a nan pêk mi vial chu theih ding hen tuah Pathiân mitmuh hen kan ektê hen hinah kan um asi hi,” a ti

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

1 KORIN 11:22

Din leh einâk ding in nan nei lo masi? Asi lo chun, Pathian kawhmi tla nan zauhnawmh hen zeikhawm nei lo tla chu nan mualphoh mazei? Nan sinah zei me ka sim lai rawh ne? Ka nan sawr na awt ma? Hi leikâng hin ka nan sawr na kho lo.

HEBRAI 10:26

Thudik theihnâk rangtling chu kanna ting nûnah thilsual kan ti êu chun sual tla rangah bâwlnâk a um rîlmâl lai lo rawh.

JEM 1:19

Unau duhtak tla, hi hi theih u, mikip nih thu ngâi ding a chuh sele, thusim chu a chuh lah sele, thin sâu seh.

JOSUA 5:15

LALPA kawrsen thupêktu nih hi hâwi hen a simh, “Na pheikawk lît, mun thenhlimh ah dîr na si,” a ti. A simh mi hâwi hen Josua nih a ti rawh.