THUSIMTU 4:8 - Bawm Common Language Bible Version

⁸ Mi pakhat amah lâwng hen hinah hin a um. Fapa khawm a nei lo, unau khawm a nei lo, sikhawmsele rianṭuan kumza hen a um le, a neih khawm nih a lawmhtir lêm lo. Chu hâwi hen mah nuamnâk ah mang lo hen hamh tak a rianṭuantu chu âu rangah a ṭuan mi asi lai rawh ne? Chu khawm chu zeikhawm asi lo mi asi fâwn, chu chu hamhkâi tak hen umnâk asi.

THUSIMTU 4:8 ပူးပေါင်းရင်းမြစ်များ

GENESIS 2:18

Churawhchun, LALPA Pathian nih, “Minung chu amah lâwng hen um a ṭhalo. Amah ṭangpitu ding hen bawptu ṭha tak ka siam lai,” a ti.

SAM 39:6

dâidul tluk khawm asi lo. A thilti zawzawng zeikhawm asi lo; âunih â ting awt ti theihlo thlo hen neih a khawng.

SAM 39:7

LALPA, zei me ka lungum ding asi lai ne? Nangmah lakah ka lungum.

THUFING LASUIBU 27:20

Minung duhnâk chu thihnâk laikulh hâwi asi. Tamtak rangah duh tâwk a um lo.

THUSIMTU 1:13

Hi laikulh ah thilti hen a um mi tla chu nik hen theihthiam hep ding hen ka tum. Pathian nih kan tlûnah vânduainâk hamhkâi tak a siah.

THUSIMTU 1:8

Thil zeizawng hi nengtawr a kâi le, a sim khawm nengtawr a kâi tuk. Kan mit khawm nih a muh mi khawm hi chim ti a nei lo le; kan nâ nih a theih mi khawm tâwk ti a nei lo.

THUSIMTU 2:21

Na finghnâk, na theihnâk, na thiamnâk zawzawng hen rian na ṭuan mi chu ṭuan lotu âu rangah mawh na mâk hep ding mi asi. Zeikhawm asi lo, asi taktê lo ma?

THUSIMTU 2:23

Na dam kar zawng ah thil zeizawng na ti mi nih thil zeikhawm a suah lo, dîtnâk leh thinlung fâknâk cho asi. Zân ah khawm na thinlung â dîn kho lo. A ektê hen zeikhawm asi lo.

THUSIMTU 4:7

Chubang tla khawm damsung ah thil zeimawh dang tla chu zeikhawm asi lo ti ka theih.

THUSIMTU 5:10

Tangka duhtu na si chun, tâwk ti na nei dah lai lo; neih duh mi na si chun na duh mi zawzawng na tawng ver dah lai loh. Zeikhawm asi lo.

THUSIMTU 5:9

Lalchem men fângzûn ding mi lakah â ngauh bâk.

ISAI 5:8

Râwk leh siat hen na um rawh! Na nei rawh mi sap singsuan ding hen phâisen leh in tla na châwk. Sâwtlotê ah hi mun ah âumawh an hawng um ding hen mun a um lai lo le, nangmah cho ram lakah na um lai.

ISAI 55:2

Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

LUK 12:20

Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti.

1 JOHAN 2:16

Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.