THUSIMTU 4:16 - Bawm Common Language Bible Version

¹⁶ Lalchem lâirêlnâk mi zapi chu rêl châwklo rê khawm an si kho; a thi rawh chun pakhat khawm nih a thilti ruangah anna lâwm lo. Zeikhawm asi lo. Thli ṭhâwl mi hâwi asi.

THUSIMTU 4:16 ပူးပေါင်းရင်းမြစ်များ

2 SAMUEL 19:9

Churawhchun, ram sungah chun anmah leh anmah êl hen anna chaih chur. “Lal David nih kan mêlma lakah mi hawng kan hum, Philistia mi thawk hen khawm hawng kan hum, sikhawmsele Absalom thawk hen a tek le, ram chu a mâk thlap rawh.

1 Lal 1:40

An ektê hen an kîr leiah lâwm leh âu bû hen theikhang tla an tum le, an hâu nih tual a tlirh.

THUSIMTU 1:14

Thil zeizawng hi laikulh ah ti hen a um mi tla ka muh le, zeikhawm asi lo ti ka nan simh. Thli ṭhâwl hâwi asi.

THUSIMTU 2:11

Hamh tak hen thil ka ti mi zawzawng ka ruat chiam le, zeikhawm a ṭhatnâk a um lo ti ka theih. Zeikhawm chawhchân lo mi thli ṭhâwl mi hâwi cho asi.

THUSIMTU 2:17

Churuangah nung hi ka rang chun zeikhawm asi lo, thil ka lakah a hawng tlung mi zawng chu zeikhawm asi lo, lawksawngnâk hep asi ruangah. A ektê hen zeikhawm asi lo le; thli ṭhâwl mi kasi ko.

THUSIMTU 2:26

Pathian nih amah lawmhtirtu tla chu finghnâk leh lâwmnâk leh theihnâk a pêk, sikhawmsele misual tla lam chu rian a ṭuantir na, a hâwltir na, a khawng tir na, an tawng mi tla chu amah lawmhtirtu tla rangah pêk ding hen. Zeikhawm an si lo, thli ṭhâwl mi hâwi asi.

THUSIMTU 4:15

Hi laikulh ah zapi minung um mi tla hi ka thinlung hen ka ruat chiam le, lalchem dîrmun luah khotu ding tlangvâl zeiah mawh um ding hen ka ruat.