THUSIMTU 4:1 - Bawm Common Language Bible Version

¹ Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

THUSIMTU 4:1 ပူးပေါင်းရင်းမြစ်များ

JOB LASUIBU 16:4

Nang keimah mun ah, kei nangmah mun ah um sele na thusim zawng chu ka sim kho lai. Theihthiam hen ka lû ka lei lai le, tîlian hâwi mi thu lakah ka nan thlâk ving lai.

JOB LASUIBU 35:9

Mi nih thil an tuar zâwn ah an rûm tâwn. Mi nih anmah sanhtu ding hen âumawh an auh na.

JOB LASUIBU 6:29

Nan palh zia a fâk tuk rawh, rep lo hen um lah u rawh. Hawng ka sâwi lah u, ka dik asi.

JOB LASUIBU 9:24

Laikulh chu misual tla rangah Pathian nih a pêk. Lâirêltu zawzawng mit a châwtir. Pathian nih ti lah sele, âunih a ti lai?

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 142:4

Ka kiangkam ka zauh le, hawng ka ṭangpitu ding leh hawng ka hum hen hawng ka kilkâwitu ding pakhat khawm an um lo.

SAM 142:5

LALPA, ṭangpi ngiar hen ka hawng âu; LALPA, nang chu, hawng ka humtu, ka dam sungah ka herhnâk zawzawng chu na si.

SAM 42:3

Sûn leh zân hen ka âu le, ka mitthli chu ka buh asi; Zeiliau zawng ah ka mêlma tla nih, “Na Pathian chu zeiah?” an ti.

SAM 42:9

Hawng ka vêngtu Pathian sinah “Zei rangah na ka thlawrhthlâu? Ka mêlma sual tak lakah zei rangah ka tuar kumza lai” ka ti.

SAM 69:20

Simsâwinâk nih ka thinlung a râwk le, ka lung a dawng. Zângfahtu leh siherhtu ka lungum le, sikhawmsele pakhat khawm an um lo. Thlangamhtu ka hâwl le, âukhawm ka tawng lo.

SAM 69:21

Ka sung a vâng liauah tûr an ka pêk; ka tîhâl liauah uain thur an ka pêk.

SAM 80:5

Ngaihsiatnâk ei ding na kan pêk le, mitthli hâi lian tak din ding na kan pêk.

EXODUS 1:16

“Hebrai nunau nih fa an ring hen nau dawmh nan kal chun mipa fa chu thah vima ule, nunau fa lam chu zuah u,” a ti na.

EXODUS 1:22

A dawnghnâk ah lalchem nih a mi le zawzawng hi hâwi hen thu a pêk na: “Hebrai mipa fa a suak mi vial chu Nile tiva ah lawnh ule, nunau fa vial chu zuah na u,” ti hen.

THUFING LASUIBU 19:7

Mipâm chu a unau tla khawm nih an ṭangpi duh lo. Hâwikawmh a nei lo mi chu a chê lo. Zeikhawm neh ṭung lo hen hamh tak hen ti tum chu a ṭhalo.

THUFING LASUIBU 28:3

Mi nih a thuneihnâk hen mipâm tla nehsawhtu chu tlenhpengtu ruah nih thlâi a râwk mi hâwi asi.

THUFING LASUIBU 29:2

Mirep hawng ka muhtir le, a lâwm mi tla ka nan muhtir bâk lai. Lâirêltu sual hawng ka muhtir le, mi hamh tuar tla ka nan muhtir lai.

THUSIMTU 3:16

Chu lo khawm ah, hi laikulh a diknâk leh reptak a um ding mi lakah hin sualnâk chu na tawng kho ti ka theih.

THUSIMTU 5:8

Lâirêlnâk ah mipâm nehsawh hen um mi leh, an diknâk lakah diklo hen an ruat na mi chu na muh tikah chê ti lah. Rianṭuantu kip hi amah tlûnah mi nih a zauhkhenh le, an panih hen sâng dauh a rianṭuantu tla nih an zauhkhenh vevê na.

THUSIMTU 7:7

Mifing nih âumawh a perpet chun, mi â hâwi hen thil a ti mi asi. Nawhnâk na lâk chun na umdân na râwk mi asi.

THUSIMTU 8:9

Hi laikulh ah thilti hen a um mi tla ka dawn liauah hi bang zawzawng hi ka muh, chu laikulh ah chun mi zeimaw mi chu thiltikho tak hen an um le, a dang tla chu an tangah tuartu tla an si.

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 51:23

Nannih a nan nehsawh natu, khuadung ah a nan rilh phut na le nâwm hâwi hen nan tlûnah an lamh natu sinah ka pêk na awt rawh,” a ti.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

JEREMIA 16:7

Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

LUNGFÂKNÂK 1:16

“Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

LUNGFÂKNÂK 1:17

“Ka kut ka phar le, sikhawmsele âukhawm nih an hawng ka ṭangpi lo. LALPA nih mun kip thawk hen mêlma ka sinah a hawng tir; Thil nâwmtâm hâwi hen an ka ruat.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

AMOS 3:10

LALPA nih, “Hi bang mi tla nih hin dân buar leh siat leh râwk hen thil an lâk mi tla hen an in sung tla an khattir, zumhkâi hen um ding dân khawm an theih loh.

AMOS 3:9

Aigupta leh Asdod mun ah um mi tla sinah thu sim u, “Samaria kiangkam tlângah a pûm ule, chunah dân buarnâk leh nawknâk tla chu zauh u,” a ti.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 26:56

Sikhawmsele, khuavâng lasui rîn tla chu a tlung khonâk ding hen hi bang zawzawng hi a hawng um rawh asi hi,” a ti. Chu liau chun ṭhiruai tla zawzawng nih chun amah chu an thlahthlamh le, an tek ver.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.

DEUTERONOMY 28:48

Churuangah LALPA nih nan lakah mêlma a hawng fial ding mi tla rian nan ṭuan lai. Sungvâng leh tîhâl hen nan um lai le, ni leh puan nei lo hen zeizawng ah samphâng hen nan um lai. Nan vei dep lânlo chu LALPA nih fâk tak hen an nehsawh na awt.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.

LÂIRÊL 4:3

Jabin nih thîr kari zakua a nei le, an tlûnah sual tak leh nehsawh tak hen kum kul kar lâi a rêl. Churawhchun, Israel tla nih LALPA rangah ṭangpi ngiar hen an auh.