THUSIMTU 3:3 - Bawm Common Language Bible Version

³ thah tik leh damh tik a ruat. Siat tik leh sak tik a ruat.

THUSIMTU 3:3 ပူးပေါင်းရင်းမြစ်များ

GENESIS 9:6

Minung chu Pathian hâwi hen siam mi asi le, churuang chun âuzawng minung a thah chun amah hâwi minung lîlâ nih a thah bâk lai.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

JEREMIA 1:10

Tusûn ni ah hin, phun tla leh, lalram phâwi leh siat ding hen, râwk leh lawnh ding hen, dirh leh phun ding hen thuneihnâk ka nan pêk asi,” a ti.

JEREMIA 31:28

Phâwi hen, siat phin hen, lawnh ving hen, veih ving hen, râwk dep na ding ka tum thlir na mi hâwi hen, anmah phun ding leh dirh ding ka tum thlir awt.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

JEREMIA 45:4

“Sikhawmsele, Kei, LALPA nih ka dîrh mi chu ka siat le, ka phun rawh mi chu ka phâwi. Hi hi tual pumpi lakah ka ti awt.

EZEKIEL 13:14

Kulh hawl hen an buaih mi chu râwk ding leh veih ding leh a lungphûm tla a karo hen siah ding ka tum asi. A chim lai le, an thah ver na lai. Chu tikah kei LALPA kasi ti mikip nih an theih lai.

HAGAI LASUIBU 1:2

LALPA Zeizawng tikho nih Hagai sinah, “Mi tla nih Biakin sak ding a tik tak asi lo rih,” an ti.

HAGAI LASUIBU 1:4

“Ka mi tla, ka Biakin râwk thê hen a um liauah nannih zeitin in ṭha ah nan um zia?

ZEKARIA 1:12

Churawhchun, vânmifial nih, “LALPA, Zeizawng tikho, tuah Jerusalem leh Juda khuapi lakah na thinrun mi chu kum sâwmsarih asi rawh. Khuaruatnâk nei lo hen zeitiang riamruam me na siah awt? ” a ti.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

1 SAMUEL 2:25

Mi nih midang lakah thilsual a ti chun Pathian nih a hum kho, sikhawmsele LALPA lakah thilsual titu chu âunih a hum kho lai!” a ti. Sikhawmsele, an pa thu chu an ngâi duh lo le, churuangah LALPA nih anmah chu thah a tum na rawh.

1 SAMUEL 2:6

LALPA nih a thah le, a nunh nawlh rawh. Mi tla chu laikulh thihnâk ah a kaltir le, a hawng kîrtir nawlh na.