THUSIMTU 2:7 - Bawm Common Language Bible Version

⁷ Sal tam tak ka châwk le, ka insungkhur ah sal suak mi tam tak an um. A lânah Jerusalem ah um mi tla ngâk khawm ran vulh mi ka nei dauh.

THUSIMTU 2:7 ပူးပေါင်းရင်းမြစ်များ

GENESIS 13:2

Abram chu minei tak asi, dawrâ tla, kêl tla, ran rual leh ngûn leh tangka khawm a nei.

GENESIS 14:14

Abram nih a unaupa fapa chu an tleih ving tih a theih rawh chun, a umnâk mun ah râltuktu ding mi chu a pumh na le, an ektê hen 318 an tling. Chun, lalchem pali tla chu Dan tiang hen an ṭhâwl na.

GENESIS 15:3

Fa na ka pêk lo ruangah chun, ka to-aw mi pakhat hi ka neih tingtu ding asi ko,” a ti.

1 Lal 4:23

chawpê châwm mi parâ, ram lakah râwl tlattir mi chawpê a bit mi kul, dawrâ zâ, sazuk, sakhi leh sazuk chal tla leh âr vulh mi tla rêlsih lo hen.

2 Lal 3:4

Moab lalchem Mesa chu dawrâ vulhtu asi le, kum siar hen Israel lalchem sinah siah châwi mi rang chanah dawrâ nuai khat leh a mul a pêk kumza.

2 CHRONICLES 26:10

Mâng khawm ah kulhnei insâng a sak le, ranrual tam tak a nei ruangah tlângbul leh phâi ah tikhur tla a chawh. Lo leikâng sunhsak mi asi ruangah ram ah mi tlângah lo tla a tuahtir na.

Ezra lasuibu 2:55

Solomon to-aw thlâk tla, sal thawk hen kîr mi tla: Sotai, Hasophereth, Peruda, Jaalah, Darkon, Gidel, Sephatiah, Hatil, Pokereth, Hazebaim leh Ami tla an si.

Ezra lasuibu 2:58

Biakin rianṭuantu leh Solomon to-aw tla fawnh hen an tam zat 392.

NEHEMIAH 7:57

Solomon to-aw thlâk sal tângnâk thawk hen an hawng kîr mi tla: Sotai, Sophereth, Perida, Jaalah, Darkon, Giddel, Sephatiah, Hatil, Pokereth, Hazebaim leh Amon.

JOB LASUIBU 1:3

Dawrâ sâng sarih, sangâwngsâu sâng thum, ranrual sâng khat leh sanatung zanga a nei. To-aw tam tak a nei le, saklei mi minung lakah chun a nei chem mi asi.

JOB LASUIBU 42:12

LALPA nih Job chu a san dih leikângah a tîr mi ngâk hen tam dauh malsâwmnâk a pêk. Dawrâ sâng leili, sangâwngsâu sâng ruk, ran lakah a lupu dauh sâng nih, leh sanatung sâng khat.

LUK 12:45

Sikhawmsele, chu to-aw nih chun a thinlung hen, ‘Ka pu tu ah a hawng tlung tuan lai loh,’ ti hen; to-awnu tla, to-awpa tla vuak sele, din leh ei hen rî sele,