THUSIMTU 2:3 - Bawm Common Language Bible Version

³ Fing ding hen ka duhnâk nih hawng ka put le, uain hen mah a lawmhtir ka tum le, tik ṭha ka nei. Chu chu minung nih tual ah hun sâwtlotê an dam karah a ṭha chem siding ka ruat.

THUSIMTU 2:3 ပူးပေါင်းရင်းမြစ်များ

GENESIS 47:9

Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti.

JOB LASUIBU 14:14

Mi a thi chun a nung nawlh kho mazei? Kei lam nih chun tik ṭha ka ngâk le, hi nawknâk hun lîm ding hi ka ngâk ko.

SAM 104:15

Amah lawmhtir ding hen uain tla suah ding hen leh oliv sariak nih chun amah lawmhtir ding hen, sang tla nih chun amah chaktir ding hen.

THUFING LASUIBU 20:1

Zû na din tuk mi nih a nan âttir hen hâu a nan suahtir. Zurît chu âtnâk asi.

THUSIMTU 1:17

Theihthiamnâk leh mâwlnâk, finghnâk leh âtnâk â dang zia theih ka tum. Sikhawmsele, thli ṭhâwl mi hâwi cho kasi ti ka theih.

THUSIMTU 10:19

Puaituah nih a nan lawmhtir le, uain nih nuamnâk a nan pêk, sikhawmsele tangka na nei lo chun, chubang chu tawng kho mi asi lo.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

THUSIMTU 2:24

Mi nih thil a ti kho mi lakah thil ṭha chem chu a rianṭuan tha ni lawh a ei a din hen â lâwm mi chu asi. Chubang tla khawm Pathian sin thawk hen mi asi ti ka theih.

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

THUSIMTU 6:12

Mi, a nungnâk tâwi tak, mang tlâklo dâidul hâwi hen a vei ving mi rangah a ṭha chem ding âunih theih kho lai? Mi nih a thih nûnah laikulh ah thil a hawng um ding mi âunih theih kho lai?

THUSIMTU 7:18

A leiluat hen um lah. Phung leikâng mi na si chun, zei leikâng zawng ah na dingchang lai.

THUSIMTU 7:25

Sikhawmsele theih ding leh sîn ding hen ka pêk le, finghnâk leh ka deih mi sângnâk tawng ding ka tum hen misual leh mi mâwl tla khawm zeirang titi an mâwl ti theih ka tum.

THUSIMTU 8:15

Churuangah mi nih a dam karah lâwmnâk a nei mi chu din leh ei leh mah lakah lâwmnâk cho asi ruangah mah lakah a lâwm ding hen ka theih. Hi laikulh ah a dam karah a rianṭuan Pathian nih a pêk mi lak cho ah a ti kho.

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

EPHESI 5:18

Chun, uain rî hen um lah u, chu lak chun sûmkholonâk a um ruangah; Thlarau a khat hen um dauh u.

LÂIRÊL 9:13

Sikhawmsele, grep zûn nih a sâng le, ‘Nannih lâirêl ding hen chun ka uain hâng suah, pathian tla leh minung tla lawmhtirtu hi bâng a suak lai,’ a ti.

1 SAMUEL 25:36

Abigail chu Nabal sinah a kîr le, Nabal lam chu lal hâwi hen puai a tuah le, zû a rî le, nuam but hen a um. Churuang chun a thâizîng khua a dei lânlo chu zeikhawm a simh lo.