THUSIMTU 2:23 - Bawm Common Language Bible Version

²³ Na dam kar zawng ah thil zeizawng na ti mi nih thil zeikhawm a suah lo, dîtnâk leh thinlung fâknâk cho asi. Zân ah khawm na thinlung â dîn kho lo. A ektê hen zeikhawm asi lo.

THUSIMTU 2:23 ပူးပေါင်းရင်းမြစ်များ

GENESIS 3:17

Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh.

GENESIS 47:9

Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti.

ESTHER 6:1

Chu zân chun lal chu a it kho lo le, ram lakah rianṭuan singsiahnâk bu a sinah put hen rêl ding hen thu a pêk na.

JOB LASUIBU 14:1

Ṭangpi herh leh chak lo hen suak mi ver kan si. Kan damsung ni tla khawm ah nawknâk â bang ver.

JOB LASUIBU 5:7

Minung chu amah nawknâk a tuah le, vân leiah meichi a zuang mi hâwi hen.

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

SAM 32:4

LALPA, nangnih sûn leh zân hen na ka rêp ruangah, ṭhâl khuarum nî sa nih thil nâwng a chârtir hâwi hen ka chaknâk â zûk hep.

SAM 90:15

Hamhnâk tuar hen kan dam liau kum zawzawng hi ngaihsiatnâk na kan pêk hâwi hen tuah lâwptlonâk hawng kan pêk.

THUSIMTU 1:13

Hi laikulh ah thilti hen a um mi tla chu nik hen theihthiam hep ding hen ka tum. Pathian nih kan tlûnah vânduainâk hamhkâi tak a siah.

THUSIMTU 1:18

Na fing bilik leh dî khunnâk; na theih bilik leh hamh khunnâk.

THUSIMTU 2:11

Hamh tak hen thil ka ti mi zawzawng ka ruat chiam le, zeikhawm a ṭhatnâk a um lo ti ka theih. Zeikhawm chawhchân lo mi thli ṭhâwl mi hâwi cho asi.

THUSIMTU 5:12

Rianṭuan mi nih chun ei ding a nei tâwk kho, a nei tâwk lo kho, sikhawmsele a ihmu lam chu a thaw lai. Minei pa chu, zeizat tal nei khawmsele a riaurak lai.

THUSIMTU 5:17

Mûi nâwngah ngaihsiat hen, dî hen, thinthawk hen leh damlo hen kan um.

THUSIMTU 8:16

Zeiliau zawng ah mifing si hen laikulh ah thil umdân theih ding ka tum le, a sûn a zân hen meng khawm le,

DANIAL 6:18

Churawhchun, lal chu a in leiah a kîr le, it kho lo hen khua a dei ver le, buh khawm a ei lo, amah lawmhnâk khawm zeikhawm timhtuah asi lo.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.