THUSIMTU 2:17 - Bawm Common Language Bible Version

¹⁷ Churuangah nung hi ka rang chun zeikhawm asi lo, thil ka lakah a hawng tlung mi zawng chu zeikhawm asi lo, lawksawngnâk hep asi ruangah. A ektê hen zeikhawm asi lo le; thli ṭhâwl mi kasi ko.

THUSIMTU 2:17 ပူးပေါင်းရင်းမြစ်များ

1 Lal 19:4

ramkaro ah nî tlâk a kal. Chunah chun thing dâidul ah â din le, thih a hauh le, “LALPA, ati tuktarâi rawh, ka nungnâk hi lâk ko rawh, ka thi ko lai rawh!” ti hen thla a cham.

JOB LASUIBU 14:13

Laikulh thihnâk ah mi hawng ka thuh ving le ka duh a! Na thinthawk reh lânlo hawng ka thuh ving le, na ka theihkumza ding hen tik ruat nawlh.

SAM 89:47

Ka san tâwi zia hi theihkumza le; thi kho hen na kan siam mi hi theihkumza!

THUSIMTU 1:14

Thil zeizawng hi laikulh ah ti hen a um mi tla ka muh le, zeikhawm asi lo ti ka nan simh. Thli ṭhâwl hâwi asi.

THUSIMTU 1:17

Theihthiamnâk leh mâwlnâk, finghnâk leh âtnâk â dang zia theih ka tum. Sikhawmsele, thli ṭhâwl mi hâwi cho kasi ti ka theih.

THUSIMTU 2:11

Hamh tak hen thil ka ti mi zawzawng ka ruat chiam le, zeikhawm a ṭhatnâk a um lo ti ka theih. Zeikhawm chawhchân lo mi thli ṭhâwl mi hâwi cho asi.

THUSIMTU 2:22

Na dam karah dî tak hen rian na ṭuan le, chu lakah zei me na langh awt?

THUSIMTU 3:16

Chu lo khawm ah, hi laikulh a diknâk leh reptak a um ding mi lakah hin sualnâk chu na tawng kho ti ka theih.

THUSIMTU 4:2

An thi le an kal rawh mi tla lam ka ngarh na; dam mi tla ngâk hen an rangah a ṭha dauh.

THUSIMTU 4:3

Sikhawmsele suak lo dâidua hen laikulh ah diklonâk kal vima mi muh lo chu a ṭha dauh.

THUSIMTU 6:9

Zeikhawm asi lo; thli ṭhâwl mi hâwi asi. Thil dang duh ruang mâng a um ngâk hen chun mah neih lakah lâwmnâk nei a ṭha dauh.

EZEKIEL 3:14

LALPA thiltikhonâk fâk tak ka lakah a hawng tlung le, a thlarau nih hawng ka put liauah ka lung si lo le, ka thinthawk.

JONA 4:3

Tuah, LALPA, hawng ka thihtir, nung ngâk hen thih a ṭha dauh,” a ti.

JONA 4:8

Nî a hawng suak rawh chun, saklei thli lum a lêngtir le, chu nî sa nih Jona lû a sat le, a uai thlo. Churawhchun, thih a duh rawh, “Kei rangah nung ngâk hen thih a ṭha dauh,” a ti.

HABAKUK 1:3

Hi hâwi lawksawngnâk muh ding hen zei rangah na hawng ka siam, hi bang hâwi thil diklo ti hi zeitin na zauh kho zia? Siatnâk leh râwknâk nih hawng ka kulh dak le, mun kip ah a sualnâk leh donâk a um.

NUMBER 11:15

Hi hâwi hen na hawng ka hamhtir asi chun hawng ka zângfah le, hawng ka thah râu rawh, na ka hamhtirnâk hi ka tuar lo rawhnâk ding hen,” a ti.