THUSIMTU 2:14 - Bawm Common Language Bible Version

¹⁴ Mifing tla nih an kalnâk ding an muh kho, mi â tla nih chun an muh kho lo,” ti ka theih. Sikhawmsele chu vânduainâk nih chun kan ektê hen bang khap hen hawng kan ngâk.

THUSIMTU 2:14 ပူးပေါင်းရင်းမြစ်များ

SAM 19:10

Ngûn ṭha chem mi ngâk hen duh an kâi dauh. Khuaizû a tak chem mi ngâk hen a thlum dauh.

SAM 49:10

Mi â leh zeikhawm theihlo mi hâwi hen mi fing tla khawm an thi mi chu âuzawng nih an muh kho, an ektê hen an thlâk tla rangah an neih an mâk.

SAM 49:11

Anmah rang bîk ah ram tla nei na khawmsele, an thlân tla chu an zungzâl in asi le; chunah chun zeiliau zawng ah an um ding asi.

THUFING LASUIBU 14:8

Mi fâifîm chu zeitin zia hen a fing? Thilti ding mi a theih ruangah. Mi â chu zei rangah a mâwl? Theih ver hen â ruat ruangah.

THUFING LASUIBU 17:24

Mi theihthiamnâk nei mi nih fing tak hen thilti ding a tum. Sikhawmsele mi â nih kâng tam tak kal a tum.

THUSIMTU 2:16

Âukhawm nih mifing khawm mi â khawm an theihkumza lo. Hi nûnthâi mâilei ah chun philh kan si hep lai. Mifing hen mi â hen bang cho kan thi lai.

THUSIMTU 3:19

Chubang nûnah chun minung leh ramsa chu bang cho hen thi ding mi an si. Pakhat a thi mi hâwi hen a dang khawm a thi lai. An panih hen thilsiam bang cho an si vevê. Minung hi ramsa ngâk hen an ṭha dauh lêm lo, nungnâk lakah anna dang lo ruangah.

THUSIMTU 6:6

sikhawmsele minung kum sâng nih dam hen a dam sungah lâwmnâk tawnglotu ngâk chun dinhnâk tawngtu a ṭha dauh. Chu nûnah chun an panih hen mun pakhat ah an kal vevê lai.

THUSIMTU 6:8

Mi â ngâk hen mifing zeitin a ṭhat dauh zia? Nung dân theih ding hen mipâm rangah zeitin ti sele a ṭha lai?

THUSIMTU 7:2

Din leh einâk mun ah kal ngâk hen mithi ulhnâk mun ah kal a ṭha dauh, a nung mi nih thihnâk nih chun kan ektê hen hawng kan ngâk ko ti an theihkumza ruangah.

THUSIMTU 8:1

Mifing cho nih thil umdân dik tak chu a theih. Finghnâk nih chun a nihtir le, a thinthawknâk mêl a langhtir lo.

THUSIMTU 9:11

Hi laikulh ah hin thil dang, mi tek chak nih tekzuamnâk ah an neh dahlo mi, mi râlṭha khawm nih râltuknâk ah an neh dahlo mi ka theih. Mifing tla khawm nih ei ding an tawng kumza lo, theihthiamnâk nei mi tla khawm an nei kumza lo, mi thiltikho tla khawm nih mun sâng an luah kumza lo. Vânduainâk chu mikip sinah a tlung.

THUSIMTU 9:16

Chaknâk ngâk hen finghnâk a ṭha dauh ka ti kumza le, sikhawmsele, âukhawm nih mipâm chu mifing ah an ruat lo le, a thusim khawm an ngâi piak duh lo.

1 JOHAN 2:11

Mah unau huatu lam chu mûi ah a um le, mûi ah a kal asi, mûi nih a mit a châwtir rawh ruangah a kalnâk ding a theih lo asi.