THUSIMTU 2:10 - Bawm Common Language Bible Version

¹⁰ Zei thil tal ka duh mi chu ka nei; Nuamnâk zeikhawm ka dawktir lo. Rian ka ṭuan mi kip ah ka zûm le, chubang zawzawng chu ka lâwmman asi.

THUSIMTU 2:10 ပူးပေါင်းရင်းမြစ်များ

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

GENESIS 6:2

tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na.

JOB LASUIBU 31:1

Thinlung ah duhnâk nei hen nungâk zauh lo ding hen thutiamnâk bir tak ka siam.

SAM 119:37

Thil do-tla-lo lakah pial lo ding hen hawng ka vêng le, Na thutiam hâwi hen ka lakah ṭhatnâk suah.

SAM 128:2

Na rianṭuan nih na thilherh tla a tumh lai. Na lâwm lai le, na sul-le-lam a tluang lai.

THUFING LASUIBU 23:5

Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 2:1

Mah a lawmhtir ding ka tum le, lâwptlonâk chu zei asi ti ka tawng rawh. Sikhawmsele chu khawm chu zeikhawm asi ber lo ti ka theih.

THUSIMTU 2:22

Na dam karah dî tak hen rian na ṭuan le, chu lakah zei me na langh awt?

THUSIMTU 2:24

Mi nih thil a ti kho mi lakah thil ṭha chem chu a rianṭuan tha ni lawh a ei a din hen â lâwm mi chu asi. Chubang tla khawm Pathian sin thawk hen mi asi ti ka theih.

THUSIMTU 3:22

Churuangah kan ti ding ṭha chem chu rian kan ṭuan mi lakah kanna lâwm ding asi ti ka theih. Thil dang zeikhawm kan ti kho mi a um lo. Kan thih nûnah lam chun thil a hawng tlung ding mi theih khonâk kan rangah lampi a um lo.

THUSIMTU 5:10

Tangka duhtu na si chun, tâwk ti na nei dah lai lo; neih duh mi na si chun na duh mi zawzawng na tawng ver dah lai loh. Zeikhawm asi lo.

THUSIMTU 5:17

Mûi nâwngah ngaihsiat hen, dî hen, thinthawk hen leh damlo hen kan um.

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

THUSIMTU 6:2

Pathian nih âumawh neihnâk, zahkâinâk leh thil-le-rî a pêk le, asi, a duh phung zeizawng khawm, sikhawmsele chu lakah chun a lâwmhtir awtlo. Khual zeimaw zat rangah lâwmnâk lam asi dauh lai. Thil zeikhawm lo leh thil diklo hep asi.

THUSIMTU 6:9

Zeikhawm asi lo; thli ṭhâwl mi hâwi asi. Thil dang duh ruang mâng a um ngâk hen chun mah neih lakah lâwmnâk nei a ṭha dauh.

THUSIMTU 8:15

Churuangah mi nih a dam karah lâwmnâk a nei mi chu din leh ei leh mah lakah lâwmnâk cho asi ruangah mah lakah a lâwm ding hen ka theih. Hi laikulh ah a dam karah a rianṭuan Pathian nih a pêk mi lak cho ah a ti kho.

THUSIMTU 9:6

An dâwtnâk tla, huatnâk tla, lungkhamnâk tla an nei mi zawng khawm an thihpi hep. Hi laikulh ah a hawng tlung mi zei thil tal lakah tingvo an nei dah lai lo rawh.

THUSIMTU 9:9

Nungnâk zeikhawm silo mi na duh mi nunau hen na dam sung zawng ah nuamchên chu Pathian nih hi laikulh ah a nan pêk mi asi. Zeikhawm silo mi ni tla ah chun a lâwm le, chu chu na lawksawngnâk ding hen na tawng ding mi asi ruangah.

1 JOHAN 2:16

Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.

LÂIRÊL 14:2

In leiah a kîr le, a nu leh a pa sinah, “Philistia nunau Timnah ah a um mi nungâk chu ka mêldî thlo. Keimah rangah hawng ka lâk piak u; umpi ding ka duh,” a ti.