THUSIMTU 12:7 - Bawm Common Language Bible Version

⁷ Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

THUSIMTU 12:7 ပူးပေါင်းရင်းမြစ်များ

GENESIS 18:27

Abraham nih, “LALPA, râlṭha tak hen na sinah thu ka sim vima mi hi zângfahtê hen a ngaihzia hawng ka thiam piak, kei chu minung salam kasi le, zeikhawm sim khonâk ka nei lo.

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

GENESIS 3:19

Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.

JOB LASUIBU 20:11

A taksa chu tlangvâl hâwi hen a chak lai le, sikhawmsele, sâwtlotê ah valeidip ah â chang lai.

JOB LASUIBU 7:21

Ka sualnâk hi na ka ngaihdam kho lo nget rih ma? Thil diklo ka ti mi hi na ka ngaihdam kho lo ma? Sâwtlotê ah thlân ah ka um lai rawh. Hawng ka hâwl khawm le, ka kal ving lai rawh.

SAM 103:14

Zei hen siam kan si ti a theih; valeidip kan si mi khawm a theihkumza.

SAM 104:29

Na hawitâk na chun, an ningṭih; an thaw na lâk piak na chun an thi le, an hawng a sêmnâk valei lîlâ ah an kîr nawlh.

SAM 146:4

An thi chun valei ah anna chang nawlh le, chu ni ah chun an thiltum chu a dawng rawh.

SAM 31:6

Diklo pathian tla sawnhtu chu na hua le, kei lam nih chun nangmah kan zumh.

SAM 90:3

Minung chu a sinâk ah si nawlh ding hen na simh. Valei ah kîr nawlh ding hen na siam.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

JEREMIA 38:16

Churawhchun, lalchem Zedekiah nih a thuptê hen thu hawng ka tiamh, “Pathian nung, nungnâk hawng kan pêktu Pathian min sal hen ka tiam asi, ka nan thah lai lo le, nangmah thah ding duhtu sinah khawm kan pêk lai lo,” a ti.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

ZEKARIA 12:1

Hi hi Israel mi tla thu ah LALPA vân siamtu, tual tuahtu leh minung nungnâk pêktu thawk hen thuchah chu asi:

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

NUMBER 27:16

“LALPA Pathian, nungnâk zawzawng bulpi, mi zapi rui kho ding mi

LUK 23:46

Chun, Jisu chu hâu fâk tak hen a âu le, “Pa, na kut ah ka thlarau ka nan kiltir,” a ti. Chun, chu chu a ti thluh rawh chun a nukrî a chat rawh.

THILTI 7:59

Chun, Stephen nih, “Lalpa Jisu, ka thlarau lâk rawh,” ti hen, Lalpa a kawh liauah lung hen an seh chiam.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

HEBRAI 12:9

Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?