THUSIMTU 12:2 - Bawm Common Language Bible Version

² Chu chu nî leh thlâ chêu leh ârfi tla a mûi hen vândâwm tla a len lo rawh ding mi tik tla chu asi.

THUSIMTU 12:2 ပူးပေါင်းရင်းမြစ်များ

GENESIS 27:1

Isak chu a tar rawh le, khua a muh lo rawh, a fapa upa dauh mi Esau chu a kawhtir na le, “Ka fapa,” a ti. “Uai” ti hen a sâng.

GENESIS 48:10

Jakob chu a upa tuk ruangah khua fiang a muh lo le, fiang ker hen a liah lo. Josef nih a fa le chu a sinah a kalpi na, a kuah na le, a châwchawk na.

SAM 71:20

Ka tlûnah tuarnâk leh nawknâk na hawng tlungtir le, sikhawmsele, chaknâk na ka pêk lai le, thlân lakah mi chu na ka hum lai.

SAM 77:16

Pathian, tî nih an muh chun a nan ṭih hen, tipi thûk chu a thir.

SAM 90:10

Kan san chu kum sâwmsarih asi le, chaknâk ruangah sâwmriat asi kho; khawmsele nawknâk leh ngaihsiatnâk cho asi; nungnâk hi tuko ah a dawng hen kan tlâu ving.

ISAI 13:10

Ârfi zawzawng leh firuk tla khawm an chêu lai lo le; nî khawm a hawng suak tikah a mûi lai le, thlâ khawm a chêu lai lo.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

JOEL 3:15

Nî leh thlâ khawm a thim le, ârfi tla khawm a chêu lo rawh.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

1 SAMUEL 3:2

Eli a mit a muh kho lo rawh mi chu a in sung kardang ah a it le,

1 SAMUEL 4:15

(Eli chu kum sâwmkua leh kum riat asi rawh, khua khawm a muh chiam lo rawh.)

1 SAMUEL 4:18

Chu minungpa nih Thudântuk Bâwm a hawng sim kâ hen kulh kawtkâ kiangah Eli a to mi chu a dunglei ah â ân le, a tlû. Amah khawm thungâi atar le, a bit tuk le, a chelhlo rawh le, a tlûknâk ah a ngâwng a kiak le, a thi rawh. Israel tla lakah kum sâwmli kar chu ruitu ah a um.