THUSIMTU 12:14 - Bawm Common Language Bible Version

¹⁴ Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

THUSIMTU 12:14 ပူးပေါင်းရင်းမြစ်များ

JOB LASUIBU 19:29

Sikhawmsele, tuah sualnâk ruangah Pathian thinthawknâk tlung ding mi nâmsâu chu ṭih rawh. Lâirêltu chu pakhat cho ti na theih kho lai.

SAM 50:21

Hi zawzawng thil na ti khawm ah zei thu khawm ka sim lo, churuang chun nangmah hen bang cho na ka ruat. Churuang chun tuah nunsimh hen thu ka nan simhfiang lai.

SAM 90:8

Na mâika ah kan sual tla na siah le, a thup hen kan sual mi na muh khonâk ah chun.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 3:17

Ka thinlungah “Pathian nih mirep leh misual lakah bang cho hen lâi a rêl piak na awt, thil zeizawng leh thilti mi khawm a tik ruat mi lakah a hawng um lai,” ka ti.

MATHAI 10:26

“Chuvachun, annih tla chu ṭih lah u; langlo ding hen thuh zeikawm a um lo, theihlo ding hen pheh zeikhawm a um lo.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

JOHAN 5:29

thil ṭha titu tla chu nungnâk ting hen an thawknawlh lai le, thilsual titu tla chu mawhnâk ting hen an thawknawlh lai.

ROM 2:16

Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.