THUSIMTU 12:13 - Bawm Common Language Bible Version

¹³ Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

THUSIMTU 12:13 ပူးပေါင်းရင်းမြစ်များ

GENESIS 22:12

“Ngâksia chu nganfâk pêk lah le, zeitin khawm ti lah” a ti. “Pathian na ṭih zia leh a lakah na fapa neihlem na ûi lo zia tuah ka theih rawh,” a ti.

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

SAM 111:10

Finghnâk lampi chu LALPA ṭih hi asi; amah thupêk zûltu chu lâirêlnâk tluang a pêk na. Amah chu zungzâl sawr ding mi chu asi.

SAM 145:19

Amah zahtu tla sinah chun an herh mi a pêk na le; an âu mi a ngâi le, ruang a suah na.

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

THUFING LASUIBU 1:7

Theihnak nei ding hen LALPA chu na zah masa chem ding asi. Simh ngâilo mi tla nih finghnâk khawm an siarlo le, sîn ding khawm an duh lo.

THUFING LASUIBU 19:23

LALPA thu ngâi le, na sân a sâu lai le, lungâwi hen nganfâk lakah mi an hum lai.

THUFING LASUIBU 23:17

Misual tla chu nahsuah lah le, LALPA chu zah le, na nungnâk chu sunhsak rawh.

THUSIMTU 2:3

Fing ding hen ka duhnâk nih hawng ka put le, uain hen mah a lawmhtir ka tum le, tik ṭha ka nei. Chu chu minung nih tual ah hun sâwtlotê an dam karah a ṭha chem siding ka ruat.

THUSIMTU 3:14

Pathian nih thil a ti mi zawng chu a um kumza awt ti ka theih. Chu lakah chun zeikhawm na sap kho lai lo, chu lakah mi zeikhawm na lâk kho lai lo. Pathian nih thil pakhat a ti mi chu amah ṭihtu ding hen hawng kan siam mi chu asi.

THUSIMTU 5:7

Zeizat tal mang manh khawm le, rian rawtrâi lo zeizat tal ti khawm le, thu zeizat tal sim khawm le a pâwi lo, Pathian chu na ṭih kumza ding asi.

THUSIMTU 6:12

Mi, a nungnâk tâwi tak, mang tlâklo dâidul hâwi hen a vei ving mi rangah a ṭha chem ding âunih theih kho lai? Mi nih a thih nûnah laikulh ah thil a hawng um ding mi âunih theih kho lai?

THUSIMTU 7:18

A leiluat hen um lah. Phung leikâng mi na si chun, zei leikâng zawng ah na dingchang lai.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

THUSIMTU 8:5

A thupêk na ngâi kar vial chu na him asi, mifing nih chun zei hâwi ti ding leh zei tikah ti ding a theih.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.

DEUTERONOMY 10:12

“Tuah Israel mi tla, LALPA nan Pathian nih a nan ngiar na mi chu ngâi u: LALPA chu sawnh ule, thu a nan pêk na mi zawng chu ti u, amah chu nan thinlung zawzawng hen dâwt ule, a nâwl zulh u,

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 4:10

nan dîr liau tla kha nan fa le nan tu tla simh na u. Chu liau chun Pathian nih ka sinah, ‘Zapi tla pumh na. Ka sim ding mi thu ngâi na seh, an dam kar zawzawng ka lakah ê-aw an ngâinâk ding leh an fa le tla nih an hawng ka ṭih ding thu an sîntir khonâk ding hen,’ a ti.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 6:2

Chu ram ah nan um kar zawzawng chu nanmah leh nan thlâk tla nih LALPA nan Pathian chu zah hen a dân ka nan pêk na mi zawzawng hi nan zûl ding asi, chu tikah chu ram ah chun sâwt tak nan um kho lai.

1 PETER 2:17

Mi zawzawng chawnglawmh u, na unau lungtu tla dâwt na le, Pathian ṭih u, chun Lalchem chu chawnglawmh u.

THUPHUANG 19:5

Chun, laltophah thawk hen aw-hâu a hawng suak le, ‘Nannih a to-aw tla leh amah zahtu mi lian leh mi mê tla, kan Pathian chu sawr u,” a ti.

1 SAMUEL 12:24

LALPA lakah ê-aw ngâi ule, nan thinlung zawzawng hen a rianṭuan u. Nan rangah thil rokual tak an ti piak na mi chu theihkumza u.