THUSIMTU 12:1 - Bawm Common Language Bible Version

¹ Churuangah seino na si liauah a nan Siamtu theihkumza le, na ngaihsiat ni leh kum a hawng tlung hen “Nungnâk lakah ka lâwm loh” na ti ni a tlung lânah.

THUSIMTU 12:1 ပူးပေါင်းရင်းမြစ်များ

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:23

LALPA chu Josef sinah a um le, thil a ti mi zawzawng lakah dingchangnâk a pêk ruang chun rêngtlâk vêngtu khawm nih Josef rangah a rinh hep.

2 SAMUEL 19:35

Kum sâwmriat kasi rawh le, zeikhawm nih hawng ka lawmhtir kho lo rawh, ka din leh ka ei mi khawm a thâwtnâk rêng ka theih lo rawh, la sak hâu khawm ka theih kho lo rawh. Lalchem rangah nawktirtu salam kasi lai.

2 SAMUEL 19:36

Kha hâwi lâwmman rokual tawng ding ka phû lo rawh. Churuangah Jordan Varâl lei tan hen na sinah ka hawng lai.

1 Lal 14:13

Israel mi zawzawng tla nih an sûn lai le, an vûi lai. Jeroboam dâwngsung lakah amah cho chu ṭhadektê hen an vûi lai. LALPA Israel Pathian chu amah tlûn cho ah a lungsi ruangah.

1 Lal 18:12

Ka kal karah LALPA thlarau nih theihlonâk mun ah an put ving chun tene? Khinah a um ko ti hen Ahab ka simh mi lakah an tawng kho lo chun hawng ka thah ding ko rawh. Kei chu ka mêttê thawk hen Pathian sawnh leikângah sunhsak mi kasi ti hawng ka theih.

NEHEMIAH 4:14

Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

JOB LASUIBU 30:2

Mi chaklo tla, ka rangah rianṭuan ding hen tlâklo tuktarâi mi tla an si.

SAM 119:55

LALPA, zân ah ka nan theihkumza hen, na dân tla chu ka dawn.

SAM 34:11

Ka hâwi rualnâu tla, hawng ule, ka thu ngâi u, LALPA ṭih ding dân kan sîntir na lai.

SAM 63:6

Ihkhun ah ka zâu liau khawm ka nan theih ko, zân khuadei hen ka nan dawn,

SAM 90:10

Kan san chu kum sâwmsarih asi le, chaknâk ruangah sâwmriat asi kho; khawmsele nawknâk leh ngaihsiatnâk cho asi; nungnâk hi tuko ah a dawng hen kan tlâu ving.

THUFING LASUIBU 22:6

Ngâksia chu a umdân ding sîntir le, a dam sung zawzawngah a theihkumza lai.

THUFING LASUIBU 8:17

Hawng ka dâwttu chu ka dâwt le, hawng ka hâwltu zawng nih an ka tawng lai.

THUSIMTU 11:10

Zei thil khawm nih lawksawngnâk leh nganfâknâk a nan pêk lah seh. Sâwt tak seino na si kumza awtlo.

THUSIMTU 11:2

A dang chereh hen mun tam tak ah na tangka a pung mi chu siah rawh, hi laikulh ah zei hâwi vânduainâk na tawng awt ti dik tak hen na theih lo ruangah.

THUSIMTU 11:8

Kum siar hen dam hen na um ruangah a lâwm rawh. Zei tiang tal dam khawm le a pawi loh, sâwt dauh tikah chun na thi awt ti theih. Mâilei thu dawn ding mi zeikhawm a um lo.

ISAI 26:8

Na duhzia hâwi hen kan um le, nangmah lakah kan lungum; kan duh mi zawzawng chu nangmah na si.

LUNGFÂKNÂK 3:27

Seino kan si liauah hi hâwi hen felfê tak a um tum hi a ṭha chem asi.

DANIAL 1:17

Pathian nih tlangvâl pali tla chu theihnâk leh lasui thiamnâk leh finghnâk tla a pêk na. Chu lâwng khawm silo hen Danial rangah mang leh muhnâk simhfiang khonâk a pêk sap rih.

HOSEA 7:9

phun dang tla lakah anna ngauh mi nih an chaknâk a veih ti an theih loh. An ni tla chu rêl hep asi le, sikhawmsele chu hâwi asi ti an theih lo nget rih.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 18:16

Sikhawmsele, Jisu nih annih chu a kawh na le, “Ngâksia tetê ka sinah hawng kaltir ule, nar lah u; Pathian Ram chu hi bang minung tla tâ asi ruangah.

EPHESI 6:4

Chun, nannih nu leh pa tla, nan fa tla thinruntir lah ule, Lalpa nunsimhnâk leh simhfâinâk ah chun zauhkhenh u.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

1 SAMUEL 1:28

Churuangah LALPA sinah amah chu ka pêk, a dam sung zawng LALPA tâ siding hen,” a ti.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.

1 SAMUEL 2:18

Chu liau chun mipa ngâksiatê Samuel nih chun LALPA rian chu a ṭuan vima le, bâwlpu kawrfual â ruk.

1 SAMUEL 2:26

Ngâksia Samuel chu a ṭhang vima le, LALPA leh minung sunhsaknâk â ting.