THUSIMTU 11:5 - Bawm Common Language Bible Version

⁵ Pathian nih thil zeizawng a siam le, nunau râi mi pawsung ah nungnâk thar um â dawmh mi zei hâwi asi na theih mi ngâk hen a thilti na theih dauh lêm lai loh.

THUSIMTU 11:5 ပူးပေါင်းရင်းမြစ်များ

JOB LASUIBU 37:23

Pathian chu a rokual tuktarâi ruangah kan naih kho lo. Minung fa lakah a thilti lakah â rep hen a dik asi.

JOB LASUIBU 38:4

Laikulh ka tuah liauah na um rawh ma? Na theih ual mi asi chun, a thu hawng ka simh.

JOB LASUIBU 5:9

Thil rokual a ti mi tla chu kan theihthiam kho lo, a thilchê ti khawm nih dawngh a nei lo.

SAM 104:24

LALPA, thil tam tak na siam! An ektê hen fing tak hen na siam na. Na thilsiam hen tual a khat.

SAM 40:5

LALPA, kan Pathian kan rangah thil tam tak na ti, nang hâwi chu âukhawm an um lo! Kan rangah thilchê tam tak na siam, an tamtuk ruangah ka sim châwklo!

SAM 92:5

LALPA! na thilti chu a rokual hen, na thinlung dawn chu a thûk a!

THUSIMTU 1:13

Hi laikulh ah thilti hen a um mi tla chu nik hen theihthiam hep ding hen ka tum. Pathian nih kan tlûnah vânduainâk hamhkâi tak a siah.

THUSIMTU 1:6

Thli chu simlei kângah a lêng, marlei kângah a lêng, â hel â hel le, a dunglei ah a kîr nawlh.

THUSIMTU 11:4

Thli leh ni-khua a tik tak na ngâk hen chun, zeikhawm na tuh lai lo le, zeikhawm na ât lai lo.

THUSIMTU 3:10

Pathian nih kan tlûnah thilrit a siah mi chu ka theih.

THUSIMTU 3:11

Thil zeizawng rangah tik dik tak a ruat. Anih nih chun mâilei thu theih duhnâk hawng kan pêk le, sikhawmsele a thilti tla theihthiam ver hen lâwmnâk hawng kan pêk dahlo.

THUSIMTU 7:24

Nungnâk thu umzia hi zeitin mi nih a theih kho lai? Kan rangah a thûk tuk hen theihthiam a har tuk.

THUSIMTU 8:17

Pathian nih thil a ti mi chu na theih kho dah lai loh ti ka theih. Zei tin tal a ṭang khawm le, na tawng kho dah lai loh. Mifing tla khawm nih theih ding an tum le, an theih kho lo.

ISAI 40:28

Na theih lo ma? Na nâ nih a theih lo ma? LALPA chu zungzâl Pathian asi; laikulh zawzawng amah tuah mi asi. Anih chu a dî hen a uai dahlo. A thinlung ah a dawn mi khawm âukhawm nih an theih lo.

JOHAN 3:8

Thli kha zei tal ah a duh duh hen a lêng tâwn, a hâu na theih, sikhawmsele, kha zei thawk hen hawng mi me, kha zei leiah a kal awt ti na theih lo; âuzawng Thlarau ah suak mi chu, chu hâwi hen an um,” a ti.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!