THUSIMTU 10:19 - Bawm Common Language Bible Version

¹⁹ Puaituah nih a nan lawmhtir le, uain nih nuamnâk a nan pêk, sikhawmsele tangka na nei lo chun, chubang chu tawng kho mi asi lo.

THUSIMTU 10:19 ပူးပေါင်းရင်းမြစ်များ

GENESIS 43:34

Josef dawhkân thawk hen buh chu an pêk na le, Benjamin tingvo chu a leh ngâ hen midang tla ngâk hen a tam dauh. Josef hen an ei hen an din le, an khim rawh.

2 SAMUEL 13:28

a to-aw tla khawm a simh zet na, “Amnon rangah zû cherkhet dinh u le, thah ding hen thu kan pêk na tikah amah chu thah ko u, ṭih rîlmâl lah u, a mawh chu keimah nih ka phurh lai, zâm lo hen râlṭha tak hen um u,” a ti,

1 CHRONICLES 21:24

Sikhawmsele lalchem nih a sâng le, “Silo, a man tling zet hen kan pêk lai. A man pêklo hen chun LALPA sinah ap ding mi thil na tâ zeikhawm a thawt hen ka lâk awtlo,” a ti.

Ezra lasuibu 1:6

An unau zawzawng nih thil tam tak pêk hen an ṭangpi na: tangkasa, bêl leh khêng, ngûn, thilpêk tla, ran tla, thil sung-û dang tla, Biakin ah ap ding mi tla hen.

NEHEMIAH 5:8

an sinah, “Hun sâwt tak kan unau ramdang ah mi sinah anna zuar rawh mi kan tlanh na rawh. Tuah nannih chu nan unau tak tla chu nan hâwi Juda sinah nan zuar awt,” ka ti na. Ruitu tla chu a sâng ding an theih lo le, an dâisip.

ESTHER 1:10

Lal nih puai a pêk na mi ni sarihnâk ah chun lal chu nuam ti tak hen uain a din. A bîk hen amah to-aw mi tilkhei pasarih Mehuman, Biztha, Harbona, Biktha, Abaktha, Zethar leh Karkas a kawh na.

SAM 104:15

Amah lawmhtir ding hen uain tla suah ding hen leh oliv sariak nih chun amah lawmhtir ding hen, sang tla nih chun amah chaktir ding hen.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

THUSIMTU 2:3

Fing ding hen ka duhnâk nih hawng ka put le, uain hen mah a lawmhtir ka tum le, tik ṭha ka nei. Chu chu minung nih tual ah hun sâwtlotê an dam karah a ṭha chem siding ka ruat.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

ISAI 23:18

A sawlehnâk ah a tawng mi tangka chu LALPA sinah ap asi lai. A kil ving lai lo le, LALPA sawnhtu tla nih buh châwknâk leh an nipuan herh châwknâk ah an mang lai.

ISAI 24:11

Uain a um lo rawh ruangah mi tla chu khua dungah an âu. Lâwptlonâk tla a um lo thlo rawh le; ram lakah mi tla a vei rawh.

MATHAI 17:27

Sikhawmsele, nang rilî ah va kal le, siau va thlâk le, ngâ a hawng suak masa mi chu tleih rawh. Chun a kâ na kêu kâ hen stater khat na muh lai; chu chu lâk le, kei leh nangmah rangah an sinah pêk na, chu lo chun annih chu an lung kan sitir lo lebang lai,” a ti.

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

LUK 12:19

Chun, ka thlarau sinah, ‘Thlarau, kum tam tak rangah neih tam tak na khawng mi hi; a dîn le, ei hen bâr le, lâwptlo tak hen um rawh ka ti lai, a ti.

LUK 16:9

“Chun, ka nan simh na, sum telê hen nan rangah hâwi tla siam u; sum a veih tikah zungzâl umnâk ah chun an umtir na nâk ding hen.

LUK 8:3

Herod sum kiltu Chuza nupi Joana, Susana leh midang tam tak tla hen an si. Chubang tla nih chun mah neih hen an eibâr an timhtuah piak tâwn.

THILTI 11:29

Chun, ṭhiruai tla nih chun an ti kho ri chiau hen Judai ram unau tla sinah chun ṭangpinâk ding kuat an tum.

THILTI 2:45

an ro tla, an neih tla an zuar le, an herh tâwk chiau hen an ektê sinah chun an ṭhen tâwn.

1 PETER 4:3

Chuvachun, lunglotu tla nih ti ding hen an duh mi chu a lânah nan ti tâwk ual rawh. Nan nungnâk tla chu, hurnâk tla, taksa duhnâk tla, uain duhnâk tla, zû mun ah lâwmnâk tla, zû din murui tla, ruk sawnhnâk nâwmtâm tla lakah nan um kha.

LÂIRÊL 14:10

A pa chu nungâk in ah a va kal le, Samson nih puai a tuah. Chu chu tlangvâl ti dân asi.

LÂIRÊL 9:13

Sikhawmsele, grep zûn nih a sâng le, ‘Nannih lâirêl ding hen chun ka uain hâng suah, pathian tla leh minung tla lawmhtirtu hi bâng a suak lai,’ a ti.

1 SAMUEL 25:36

Abigail chu Nabal sinah a kîr le, Nabal lam chu lal hâwi hen puai a tuah le, zû a rî le, nuam but hen a um. Churuang chun a thâizîng khua a dei lânlo chu zeikhawm a simh lo.