THUPHUANG 9:5 - Bawm Common Language Bible Version

⁵ Chun, khâubawk tla sinah chun, chu minung tla chu thah ngâi chu thah lo hen, thla nga hamhtir ding hen thu pêk an si, an hamhtir dân chu tlâng cha-âi nih mi a seh hen a hamhtir na mi hâwi asi.

THUPHUANG 9:5 ပူးပေါင်းရင်းမြစ်များ

2 CHRONICLES 10:11

Ka pa nih thilrit tak a nan phurhtir na le, chu ngâk rit dauh ka nan phurhtir na awt. Anih nih vuakfung hen an vuak na le, kei lam nih chun rang vuaknâk hen kan vuak na awt!’ ” ti na.

2 CHRONICLES 10:14

An sinah, “Ka pa nih thilrit tak an phurhtir na le, kei lam nih chun chu ngâk rit dauh hen kan phurhtir na awt. Vuakfung hen a nan vuak na le, kei nih chun rang vuaknâk hen kan vuak na awt!” a ti na.

JOB LASUIBU 2:6

Churawhchun, LALPA nih Setan sinah, “Asi ma chu, na duhzia zawng hen ti le, sikhawmsele thah lam chu thah lah,” a ti.

EZEKIEL 2:6

“Sikhawmsele, nang thikho mi minung, anmah leh an thusim chu na ṭih ding asi lo. An zauhnawmh hen an siar lai lo; tlâng cha-âi nâwngah um mi hâwi na si lai. Chubang an hel mi leh an thusim tla chu zeiliau khawm ah ṭih lah.

DANIAL 7:6

Ka zauh ko liauah sarâng dang a hawng nawlh, keitê hâwi asi, a kêng leiah va thlâ hâwi pali a nei le, lû pali a nei, thuneihnâk nei tak mi hâwi hen a lang.

JOHAN 19:11

Jisu nih, “Tlûnlei thawk hen pêk na si lo chun, ka tlûnah hin tikhonâk rerêng na nei lai lo; churuangah na sinah hawng ka pêktu nih khan sual a phurh khun asi,” a ti.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 13:5

Chun, sarâng chu sual thu ṭihnungkâi tak sim ding leh thla sâwmli leh thla nih thuneihnâk pêk asi.

THUPHUANG 13:7

Chun mi thenhlimh tla chu do hen neh siang an si le, chi kip tla, mikip tla, hawlh kip tla, phun kip tla tlûnah thuneihnâk pêk asi.

THUPHUANG 9:10

Chun, tlâng cha-âi hâwi hen tawmei leh henhnâk an nei le, an tawmei ah chun thla nga kar minung nganfâktir khonâk an nei.

THUPHUANG 9:3

Chun, meikhû thawk chun khâubawk tla an hawng suak, tlâng cha-âi tla nih thiltikhonâk an nei hâwi hen an sinah thiltikhonâk pêk an si.