THUPHUANG 9:4 - Bawm Common Language Bible Version

⁴ Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.

THUPHUANG 9:4 ပူးပေါင်းရင်းမြစ်များ

JOB LASUIBU 1:10

Nangmah nih amah leh a dâwngsung tla na zauhkhenh kumza le, thil zeizawng na neitir. A thilti zeizawng ah mal na sâwm piak le, ram khat rê hen ranrual na pêk.

JOB LASUIBU 1:12

LALPA nih Setan sinah, “Asi ma chu, a thilneih zawzawng chu na duhzia zawng hen ti, sikhawmsele amah Job chu nganfâk na pêk ding asi lo,” a ti. Churawhchun, Setan nih a kaltâk rawh.

JOB LASUIBU 2:6

Churawhchun, LALPA nih Setan sinah, “Asi ma chu, na duhzia zawng hen ti le, sikhawmsele thah lam chu thah lah,” a ti.

SAM 76:10

Minung tla thinthawknâk chu nangmah sawr tawngnâk cho asi.

EXODUS 12:23

Aigupta ram mi tla thah na ding hen LALPA nih a hawng ṭawl tikah kawtkâ tlûnlei leh kawtkâ tung mi thî a muh lai le, a vânmifial chu nan in sungah a hawng lût hen an thahtir na lo ding hen.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

EZEKIEL 9:6

Tar tla, tlangvâl tla, nungâk tla, nu tla, ngâksia tla thah na u. Sikhawmsele an chal ah singsiahnâk neitu tla chu tawngh lah na u. Hi ka Biakin thawk hen dawmh u,” a ti. Churawhchun, Biakin ah dîr mi ruitu tla hen anna dawmh rawh.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

THUPHUANG 14:1

Chun, ka zauh le, Dawrâ Fa Zion tlângah a dîr mi leh an chal ah a min leh a Pa min â rîn mi, mi nuai khat leh sîng li leh sâng li a sinah an dîr mi ka muh,

THUPHUANG 6:6

Chun, thilnung pali tla lâiah chun aw-hâu hâwi hen, “Ni khat lawhman wheat fâng khîng khat, ni khat lawhman hen barley fâng khîng thum; oliv thing leh grep zûn lam chu râwk lah,” a ti mi ka theih.

THUPHUANG 7:1

Chu nûnnah chun tual ah leh tisumsumriat ah leh thing tlûnah thli rerêng a lêng lonâk ding hen tual thli pali chu tleih hen tual kil li ah an dîr mi vânmifial pali ka muh.

THUPHUANG 8:7

Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.