THUPHUANG 9:20 - Bawm Common Language Bible Version

²⁰ Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.

THUPHUANG 9:20 ပူးပေါင်းရင်းမြစ်များ

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

2 CHRONICLES 28:22

A lawksawngnâk chu Juda tla rangah siatnâk chem si khawm ah, LALPA lakah a thilsual chu a lân ngâk hen a zual dadauh.

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

SAM 106:37

Kanaan ram ah milem lakah anna bâwl mi hâwi hen, an fanu leh an fapa tla an pêk.

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

ISAI 41:7

Thing hen thilsiamtu nih ngûn dêngtu sinah ‘Na ti dân a ṭha thlo!’ a ti. Milem siamtu nih thîr ling hen kilhtu rangah a fawrh. Annih nih, “A sengh dân a ṭha” an ti le, thîr ling hen a mahmuntê ah milem an kilh tap.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 25:6

Pathian dang tla sawnh leh a rianṭuan lo ding leh milem nan siam mi tla sawnh hen LALPA thin nan thawktir lo ding hen a nan simh na. LALPA thu ngâi ule chu, a nan rêp na lo ding mi.

JEREMIA 44:8

Um ding hen nan hawngnâk Aigupta ram ah hin milem tla sawnh hen pathian dang tla sinah a bâwl hen zei rangah ka thin nan ka thawktir? Tual tlûnah mi phun kip nih a nan zauhnawmh na ding leh siatphurh min nan put ding hen nanmah siat leh râwknâk ding ah hi hi nan ti mi asi lo ma?

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 51:17

Hi bang muhnâk lakah mi tla nih a ngaihtawnh dân an theih lo le, theihnâk an nei lo; Pathian diklo leh nungnâk nei lo an siam ruangah milem siamtu tla chu nawng hen an um ver.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.

LEVITICUS 17:7

Israel mi tla nih phâi ah kêl khuri sinah bâwlnâk rang ding ah an ran tla thah hen LALPA lakah zumhkâilo hen a um ding asi lo rawh. Hi nûnthâi mâilei zawng khawm ah hi dân hi Israel fa tla nih an mang kumza ding asi.

MIKAH 5:13

Na milem tla leh na lungphun tla chu ka veih lai le, nangmah tak nih na siam mi thil tla chu na sawnh lai lo rawh.

MATHAI 21:32

Johan chu repnâk leikâng ah chun nan sinah a hawng kal le, amah chu nan lung lo le, siah khawlhtu tla leh nunau â zuar mi tla lam nih chun amah chu an lung le; nanmah nih chu chu nan muh nûn khawm ah amah chu nan lung khonâk ding hen nan rim lêm lo.

THILTI 17:29

Chun, Pathian thlâk tla kan si rawh chun Pathian chu ngûn, tangka, lung mawh minung zungthiam leh thilthiam siam mi hâwi hen kan ruat ding asi loh.

THILTI 19:26

hinah Ephesi khua cho silo hen, Asia ram pumpi ding dêng khawm, hi Pawl nih hin, ‘Kut hen siam mi pathian tla hi chu pathian asi lo,’ ti hen, mi cherkhet a lêm na le, anna pêk ver rawh asi ti nannih ngelchel khawm nih nan muh hen nan theih.

THILTI 7:41

Chun, chubang ni ah chun chawpê fa ruk an siam le, a ruk chu ran thah hen an sawnh, anmah tla kut suak lakah chun anna lâwm rawh.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

DEUTERONOMY 31:29

Ka thih nûnah hi minung tla hi an sual ding mi leh ka sîntir na mi tla an duh awtlo mi khawm ka theih ko. Tik a hawng tlung ding mi lakah siatnâk an tawng lai, a khap mi thil ti hen LALPA chu a thin an thawktir awt ruangah,” a ti.

DEUTERONOMY 32:17

Pathian tak silo mi tla sinah bâwlnâk an pêk, an thlâktu tla nih an theih dahlo mi pathian thar, Israel tla nih an zûl dahlo mi pathian tla chu.

DEUTERONOMY 4:28

Chunah chun minung kut hen siam mi pathian tla, thing pathian, lung pathian muh kho lo mi, theih kho lo mi, ei kho lo mi leh rim khawm theih kho lo mi nan sawnh lai.

1 TIMOTHE 4:1

Sikhawmsele, hi nûnah chun mi zeimaw mi tla chu mi âwkrâwl tla perpetnâk ruangah veihnâk thlarau tla leh khuri tla sîntirnâk thu sunhsak hen lungnâk chu an bângtâk mi hi Thlarau nih chun fiang tak a sim.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 16:8

Chun, vânmifial palinâk nih chun a berhbu chu nî lakah a thlêt le, nî chu minung tla ût rê emh ding hen a lîn rawh.

THUPHUANG 9:19

Rang tla thiltikhonâk chu an kâ ah leh an tawmei ah a um, an tawmei tla chu rûl hâwi asi, lû an nei le, chu hen mi nganfâk an pêk na tâwn asi.

THUPHUANG 9:21

Mi an thah mi tla leh dâwi an mang mi tla, pung leh lêng an mangnâk leh fîr an mangnâk khawm an thlah lêm lo.