THUPHUANG 9:17 - Bawm Common Language Bible Version

¹⁷ Chun, muhtirnâk ah chun, rang leh a tlûnah anna chuan mi ka muh le, mei leh saphir leh kât eng hâwi mi phaw an nei le, rang lû tla chu chakeibaknei lû hâwi asi le, an kâ thawk hen mei leh meikhû leh kât tla a hawng suak.

THUPHUANG 9:17 ပူးပေါင်းရင်းမြစ်များ

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

1 CHRONICLES 12:8

Hi bang tla hi Gad phun lakah kawrsen mi thiam minthang David kawrsen tla sinah ramkaro kulh ah a um liauah anna fawnh mi tla min chu asi. Phaw leh fei mang thungâi an thiam le, zauh hen chakeibaknei hâwi hen ṭihnung an kâi, an khulrang zia chu tlângah sazuk hâwi an si.

SAM 11:6

Misual tlûnah mei leh kâtalh a hawng thlâk le, thli rumro hen a rêp na.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

EZEKIEL 33:22

Chu minung a hawng lântê zânleibâi ah, LALPA thiltikhonâk a um ti ka theih. Chu minung chu a thâizing ah a hawng tleng le, LALPA nih thu simkhonâk thiltikhonâk hawng ka pêk nawlh.

DANIAL 8:2

Keimah khawm Elam ram ṭhen Susa khuapi kulh mi khuapi sungah um hen ka theih sawm. Ulai Tiva kapah ka dîr le,

DANIAL 9:21

Thla ka cham liau chirah a lânah langhnâk ah ka muh mi Gabriel chu, zuang hen ka umnâk ah a hawng. Zânlei bâwl tik asi.

THUPHUANG 11:5

Chun, annih chu âuzawng nih nganfâk pêk an tum chun an kâ thawk hen mei a hawng suak le, an leido tla chu an veih na asi. Annih tla chu âuzawng nih thah ding awttu chu thah an si lai.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 21:20

a panganâk chu sardonik lung asi le, a paruknâk chu karnelian lung asi le, a pasarihnâk chu krisolit lung asi le, a pariatnâk chu beril lung asi le, a pakuanâk chu topaz lung asi le, a parânâk chu krisopra lung asi le, a leikhatnâk chu jasin lung asi le, a leinihnâk chu amethi lung asi.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 9:18

Chun, chu hamhtirnâk pathum, mei leh meikhû leh kât an kâ thawk hen a hawng suak mi hen chun minung mun thum ṭhen hen mun khat chu thah an si rawh.

THUPHUANG 9:9

Chun, an ir ah thîr phaw hâwi mi an nei le, an thla zâp hâu chu râltuk ding hen rang tam tak nih kari nûk hen an tek mi hâu hâwi asi.