THUPHUANG 9:1 - Bawm Common Language Bible Version

¹ Chun, vânmifial panganâk nih chun a tâwtawrâwt a tum le, ârfi pakhat vân thawk hen tual ah a tlâ mi ka muh le, vânmifial sinah chun khurtawdawnglo renh chu an pêk rawh.

THUPHUANG 9:1 ပူးပေါင်းရင်းမြစ်များ

ISAI 14:12

“Nang Babulon lalchem, deirêl ârfi chêu tak, vân ah mi chu na tlâ rawh! A lân chun phun tla na neh le, tu lam chun tual ah lawnh hen na um rawh.

LUK 10:18

Chun, anih nih chun an sinah, “Mîmthlalek hâwi hen Setan chu vân thawk hen a hawng tlâ mi kha ka muh.

LUK 8:31

Chun, khur dawng nei lo ah kal ding thu pêk lo ding hen Jisu sinah an ngiar.

ROM 10:7

âu me mithi khua ah ṭum lai?’ mawh (chu chu mithi lakah thawk hen Krist kâipi ding tinâk asi), ti lah u,’ ti hen.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 20:1

Chun, vânmifial, khurtawdawnglo renh leh chikchîn lian tak put hen, vân thawk hen a hawng ṭum mi ka muh.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 6:13

Chun, ârfi tla vân thawk hen, theipi kûng thlipi nih a vuak le, a rah hel tla a tlawng mi hâwi hen tual ah an tlâ rawh.

THUPHUANG 8:10

Chun, vânmifial pathumnâk nih chun a tum le, ârfi lianpi, meifâr hâwi hen a alh mi vân thawk hen a hawng tlâ le, tiva tla leh tinungva tla chu mun thum ṭhen hen mun khat a denh rawh.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 8:2

Chun, Pathian mâika ah vânmifial pasarih an dîr mi ka muh le, an sinah chun tâwtawrâwt pasarih an pêk na.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.