THUPHUANG 8:8 - Bawm Common Language Bible Version

⁸ Chun, vânmifial panihnâk nih chun a tum le, tlâng lianpi mei nih a khangh mi hâwi hi tisumsumriat ah lawnh hen a um. Chun, tisumsumriat chu mun thum ṭhen hen mun khat chu thisen ah â chang rawh.

THUPHUANG 8:8 ပူးပေါင်းရင်းမြစ်များ

JEREMIA 51:25

Babulon mi tla, nang chu laikulh pumpi veihtu tlâng sâng tak hâwi na si le, sikhawmsele, Kei, LALPA chu na mêlma kasi. Ka nan tleih lai le, tual hen rual zat hen ka nan siam lai le, vachâm lakah ka nan siah awt.

EZEKIEL 14:9

“Khuavâng chu sângnâk diklo hen perpet hen a um chun, kei LALPA nih ka perpet ruangah mi asi. Israel lakah mi ka lawnh awt.

AMOS 7:4

LALPA Zahkâi sinah mi langhnâk ka nei fâwn. Chunah chun a mi tla mei hen a rêp na awt mi ka muh. Tual tangah tisumsumriat rokual tak chu mei nih a khangh le, ram tla chu kâng ding hen a dawmh rawh.

ZEKARIA 13:8

Ram pumpi ah mi ka mi tla chu ka do na lai le, a mun thum ṭhen hen mun nih chu an thi lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MARK 11:23

Thungâi tak hen ka nan simh na, âuzawng hi tlâng sinah hin, Hawng a ṭhinh le, tisumsumriat ah a lawnh rawh,’ ti hen, a thinlung ah zumhmaih lo hen a sim mi chu a tlung ngelchel lai ti lungtu nih an sim zia zawng hen an muh lai.

THUPHUANG 11:6

Chubang tla nih chun thu an sim kar vial chu ruah sûr lo ding hen vân pingtir khonâk an nei, an duh tik zawng ah thisen ah changtir ding hen tiva tla tlûnah thuneihnâk an nei le, laikulh hi rêpnâk râi chi kip hen rêp ding hen thu an nei.

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 8:7

Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.

THUPHUANG 9:15

Chun, chu dârkar leh ni leh thla leh kum ruat chia lakah, minung mun thum ṭhen hen mun khat thah ding hen anna tîm zet mi vânmifial pali tla chu an sût na rawh.

THUPHUANG 9:18

Chun, chu hamhtirnâk pathum, mei leh meikhû leh kât an kâ thawk hen a hawng suak mi hen chun minung mun thum ṭhen hen mun khat chu thah an si rawh.