THUPHUANG 8:7 - Bawm Common Language Bible Version

⁷ Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.

THUPHUANG 8:7 ပူးပေါင်းရင်းမြစ်များ

SAM 105:32

Ruah sûrtir lo hen ṭêk leh rial a tlâktir.

EXODUS 9:33

Mosi nih lalchem chu a kaltâk rawh chun, khuapi a suaktâk le, bân phar bû hen LALPA sinah thla a cham rawh; khuarît, rial, ruah zawzawng a bâng hep.

ISAI 28:2

LALPA nih âumawh mi chak leh thiltikho tla anmah do ding hen tîm chia zet a nei le, zeimaw mi chu thli leh ruahpi lakah rial hâwi, a zeimaw mi chu ruah tukpi hâwi, a zeimaw mi chu tîlian fek tak hâwi hen an hawng kal lai le, chu tla chu ram an khat zat lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 32:19

(Sikhawmsele thing mun ah rial a tlâ lai le, khuapi chu a chim lai.)

EZEKIEL 38:22

Râi leh thisen suahnâk hen ka rêp lai. Ruah tukpi leh rial, mei leh kât hen amah leh a kawrsen tla leh amah lei ṭângṭawmtu phun tam tak tlûnah ka sûrtir lai.

JOEL 2:30

“Chu ni ah chun vân ah leh tual ah theihtirnâk ka langh lai; thisen suaknâk, mei leh meikhû sûm hâwi hen a zîng mi a um lai.

JEM 1:11

Nî chu a suak le, a linhnâk nih chun chawmpâr chu a uaitir le, a pâr chu a tlawng le, a dawhnâk chu a vei rawh; chu hâwi ber hen minei chu a rianṭuan ah a vei lai.

JOSUA 10:11

Amor tla Israel kawrsen lakah thawk hen an tek hen tlâng an liam liauah chun LALPA nih rial lian tak lampi tluan hen Azekah tiang hen a tlâktir. Israel tla nih an thah na mi ngâk hen rial nih a thah na mi an tam dauh.

1 PETER 1:24

Pathian lasui thu nih, “Mi zawzawng chu belh hâwi an si; an rokualnâk zawzawng khawm chawmpâr hâwi an si. Belh chu a uai le, a pâr chu a tlawng,

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 16:2

Chun, vânmifial pakhatnâk chu a kal le, a berhbu chu tual ah a thlêt le, chun sarâng singsiahnâk neitu leh a lem mâimûktu tla tlûnah chun masia fâk tak a hawng tlung rawh.

THUPHUANG 16:21

Chun, rialpi lian tak, khîng sâwmnga rit chiau vân thawk hen minung tla tlûnah a tlâ, chun, chu hâwi rêpnâk ruangah minung tla nih chun Pathian hawlhsiat an barh rawh.

THUPHUANG 6:8

Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.

THUPHUANG 7:1

Chu nûnnah chun tual ah leh tisumsumriat ah leh thing tlûnah thli rerêng a lêng lonâk ding hen tual thli pali chu tleih hen tual kil li ah an dîr mi vânmifial pali ka muh.

THUPHUANG 9:15

Chun, chu dârkar leh ni leh thla leh kum ruat chia lakah, minung mun thum ṭhen hen mun khat thah ding hen anna tîm zet mi vânmifial pali tla chu an sût na rawh.

THUPHUANG 9:18

Chun, chu hamhtirnâk pathum, mei leh meikhû leh kât an kâ thawk hen a hawng suak mi hen chun minung mun thum ṭhen hen mun khat chu thah an si rawh.

THUPHUANG 9:4

Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.