THUPHUANG 8:12 - Bawm Common Language Bible Version

¹² Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 8:12 ပူးပေါင်းရင်းမြစ်များ

ISAI 13:10

Ârfi zawzawng leh firuk tla khawm an chêu lai lo le; nî khawm a hawng suak tikah a mûi lai le, thlâ khawm a chêu lai lo.

ISAI 24:23

Thlâ tla a thim lai le, nî khawm a chêu lai lo rawh, LALPA Zeizawng tikhotu chu lalchem asi awt ruangah Jerusalem mi Zion Tlângah lâi a rêl lai le, mi zapi ruitu tla nih a rokual zia an muh lai.

JEREMIA 4:23

Tual ka zauh le, a karo hen a um thlo; vân ka zauh le, chêu khawm a um lo.

JOEL 2:10

An kal rawh chun tual â nîn le, vân a thir. Nî leh thlâ a mûi le, ârfi tla khawm an chêu lo rawh.

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

JOEL 3:15

Nî leh thlâ khawm a thim le, ârfi tla khawm a chêu lo rawh.

AMOS 8:9

Sûn chirah nî ka tlâktir ding mi leh sûn chirah tual ka mûitir ding tik a tlung awt rawh. Kei, LALPA Zahkâi nih chu chu ka sim mi asi.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 27:45

Chun, dâr leinih thawk hen dâr thum tiang hen laikulh a hawng mûi ver rawh.

MARK 13:24

“Sikhawmsele, chubang ni ah, chubang hamhnâk nûnah chun nî thimtir hen a um lai le, thlâ a chêu lai lo le,

MARK 15:33

Chun, sûn dâr leinihnâk liau chirah chun sûnnilei dâr thum tiang hen laikulh a hawng thim ver.

LUK 21:25

“Chun, nî, thlâ leh ârfi tla ah singsiahnâk a um lai. Tisumsumriat rûm leh a tlingtlawk ruangah tual ah khawm phun kip hamhnâk leh lawksawngnâk a tlung lai;

THILTI 2:20

nî thim ah â chang lai le, chun thlâ thisen ah â chang lai. Lalpa Ni rokual tak leh minthang tak chu a hawng tleng lânah chun,

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 16:10

Chun, vânmifial panganâk nih a berhbu chu sarâng laltophah ah a thlêt le, sarang ram zawzawng chu a hawng mui hep le, an nganfâk tuk ruangah an lei tla an seh le,

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 9:15

Chun, chu dârkar leh ni leh thla leh kum ruat chia lakah, minung mun thum ṭhen hen mun khat thah ding hen anna tîm zet mi vânmifial pali tla chu an sût na rawh.

THUPHUANG 9:18

Chun, chu hamhtirnâk pathum, mei leh meikhû leh kât an kâ thawk hen a hawng suak mi hen chun minung mun thum ṭhen hen mun khat chu thah an si rawh.