THUPHUANG 7:2 - Bawm Common Language Bible Version

² Chun, vânmifial dang, Pathian nung singsiahnâk put hen suahlei ah a kâi mi ka muh, anih nih chun, vânmifial pali, mual tla leh tisumsumriat râwktu ding ah Pathian nih a ruat mi tla sinah chun, aw-hâu fâk tak hen

THUPHUANG 7:2 ပူးပေါင်းရင်းမြစ်များ

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

LA TLA LA 8:6

Mikip duh lo ding hen na thinlung khâr le, keimah lâwng hawng ka duh, keimah lo chu âukhawm na kut hen sih lah na. Dâwtnâk chu thihnâk hâwi hen thil a ti kho le, duhnâk chu thihnâk hâwi ber hen a chak. Meialh a hawng suak le, mei a tlân mi hâwi hen a kâng.

ISAI 41:2

“Saklei thawk hen nehtu hawng hen, a kalnâk kip ah neh vimatu chu âu me si? Lalchem tla leh phun tla nehnâk âunih me a pêk? A nâmsâu nih valeidip hâwi hen a mân na. A chanhtiang zum tla nih fapawn thli nih a ranh mi hâwi hen a rektir hep na.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

DEUTERONOMY 5:26

Pathian nung nih mei thawk hen thu a sim mi theihtu minung a dam mi âu me um?

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

THUPHUANG 1:3

Hi simhkannâk thu rêltu leh ngâitu leh a sungah thu â rîn mi pawmtu tla chu an thaw a suak. Hi zawng thil a hawng um ding mi tik chu a nâi rawh ruangah.

THUPHUANG 10:1

Chun, vânmifial dang chak tak pakhat, sûm hen â thuam mi, vân thawk hen a hawng ṭum mi ka muh le, a lû ah chun chumchâ a kho le, a mêl chu nî hâwi asi le, a kê tla chu meizîk hâwi asi.

THUPHUANG 10:4

Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.

THUPHUANG 16:12

Chun, vânmifial paruknâk nih chun a berhbu chu Eufretis tipi ah a thlêt le, chun, saklei thawk hen lal hawng kal ding mi tla rangah lampi a um khonâk ding hen tî chu a kang rawh.

THUPHUANG 5:2

Chun, vânmifial chak tak, aw-hâu fâk tak hen, “Âu me lasuibuzual hi kêu hen a singsiahnâk tla samh tlâktu um?” ti hen a âu mi ka muh.

THUPHUANG 8:3

Chun, vânmifial dang a hawng le, ngûn rimthâw duahnâk bâwm put hen mâichâm kiangah a dîr. Chun, laltophah mâika ah ngûn mâichâm tlûnah mi thenhlimh zawzawng thlachamnâk tla sapsuannâk ding hen zeilo rimthâw tam tak a sinah an pêk.

THUPHUANG 9:14

chu aw-hâu nih chun, vânmifial paruknâk tâwtawrâwt a put mi sinah chun, “Eufretis tipi ah vânmifial pali phuar hen an um mi tla kha suah na rawh!” a ti.

THUPHUANG 9:4

Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.