THUPHUANG 7:17 - Bawm Common Language Bible Version

¹⁷ Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.

THUPHUANG 7:17 ပူးပေါင်းရင်းမြစ်များ

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

SAM 23:5

Ka mêlma tla nih an ka muh khonâk ah puai na ka timhtuah piak le; khual zahkâi hâwi hen na ka lawmh, ka hâi khawm a tlâng rual hen na khattir.

SAM 28:9

LALPA na mi le tla chu ruangsuah na le, na tâ tla chu malsâwm na. An rangah dawrâ vêngtu si le, zungzâl hen vêng na.

ISAI 12:3

A tîhâl mi tla rangah tî thenhlimh nih lawmhnâk a pêk mi hâwi hen, Pathian nih a mi tla ruang a suah na liauah anna lâwm,” ti hen.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

ISAI 30:25

Nan mêlma kulh tla nan lâk ni ah leh an mi tla nan thah ni ah chun, tinungva chu tlâng kip leh mual kip thawk hen a hawng luang lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 49:9

Rêngtlâ mi le sinah, ‘Thawsuak tak hen Kal u!’ ka ti lai le, mûi lakah um mi tla sinah ‘Chêu leiah hawng suak u!’ ka ti na lai! Tlângah dawrâ tla an tlawng mi hâwi an si lai le;

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 60:20

Na ngaihsiatnâk ni chu a dawng lai rawh. Kei, LALPA chu na zungzâl chêu, Nî leh thlâ ngâk hen chêu kumza mi chu kasi lai.

ISAI 65:19

Keimah ngelchel khawm Jerusalem leh a mi tla ruangah ka lâwm lai. Chunah chun ṭapnâk khawm a um lai lo, ṭangpi ding sâwmtu khawm a um lai lo.

JEREMIA 31:9

Ka mi tla chu ṭap bû leh thlacham bû hen ka kîrpi na lai. Tinungva leiah suih bah umlonâk lam tluang ah ka kalpi na lai. Israel tla lakah chun pa hâwi kasi le, Efraim lam chu ka fa upachem asi,” a ti.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:11

Chun, nunau nih chun a sinah, “Pu, a thannâk zeikhawm na nei lo mi, tikhurchawh a thûk thlo mi, kha zei a mi tî nung na tawng?

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 21:6

Chun, hi hawi hen a sim le, “Â lîm rawh, kei Alpha leh Omega, a bul leh a dawng kasi, a tîhâl mi zawng sinah nungnâk tiva ah mi a thawt hen ka pêk lai.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.