THUPHUANG 7:16 - Bawm Common Language Bible Version

¹⁶ An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.

THUPHUANG 7:16 ပူးပေါင်းရင်းမြစ်များ

SAM 121:5

LALPA nih a nan vêng lai le; nangmah vêng ding hen na kiangah a um ko.

SAM 121:6

Sûn ah nî sâ nih nganfâk a nan pêk lai lo le, zân khawm ah thlâpa nih nganfâk a nan pêk lai lo.

SAM 143:6

Thlacham hen nangmah leiah ka bân ka hawng phar, tual a châr mi hâwi hen ka thlarau na lakah a tîhâl.

SAM 42:2

Nangmah Pathian duh hen ka tî a hâl; zei tikah na mâika ah hawng hen ka nan sawnh kho lai?

SAM 63:1

Nang, ka Pathian na si le, ka nan ngâi. Ka taksa pumpiluk nih a nan ngâi; na lakah ka thinlung a tîhâl, ram tî nei lo, a châr mi hâwi hen.

LA TLA LA 1:6

Ka taksa langh dân lakah hawng ka zauh niam lah. Nî nih hawng ka lâk mi ruangah asi. Ka ṭapa tla ka tlûnah an thinrun le, grep dûm ah rian an ka ṭuantir. Mah a bulsân ding hen tik ka nei lo.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 41:17

“Ka mi tla nih tî duh hen an hâwl liauah an tîhâl tuk hen an dang a châr ver liauah Kei, LALPA nih an thlachamnâk chu ka sâng lai le; Kei, Israel Pathian nih ka kaltâk na rêng lai loh.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 65:13

Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.

JONA 4:8

Nî a hawng suak rawh chun, saklei thli lum a lêngtir le, chu nî sa nih Jona lû a sat le, a uai thlo. Churawhchun, thih a duh rawh, “Kei rangah nung ngâk hen thih a ṭha dauh,” a ti.

MATHAI 13:21

Sikhawmsele, amah lakah chun ram a um lo le, sâwtlotê cho a um le; chun thu ruangah chun hamhnâk mawh nehsawhnâk mawh a hawng um hen a zumhnâk a bâng sawm tâwn.

MATHAI 13:6

sikhawmsele, nî a sâng dauh rawh chun a emh le, a uai tlek le, ram a nei lo ruangah a mawt ko.

MATHAI 5:6

“Repnâk ruangah sungvâng tîhâl tla chu an thaw a suak, an khim awt ruangah!

MARK 4:17

sikhawmsele, anmah lakah chun ram an nei lo, sâwtlotê cho an um le; chu nûnah chun thu ruangah hamhnâk mawh nehsawhnâk mawh a hawng um ka hen an tlû sawm tâwn.

MARK 4:6

Sikhawmsele, nî a hawng sâng dauh rawh chun uai tep hen a emh, ram a nei lo ruangah a rawp ko rawh.

LUK 1:53

Sungvâng tla chu thil ṭha tla hen a khawptir na, minei tla chu kut karo hen a kaltir na.

LUK 6:21

“Nannih tu ah sungvâng tla, nan thaw a suak, nan khim awt ruangah! “Nannih ṭap le tla, nan thaw a suak, nan ni awt ruangah!

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JEM 1:11

Nî chu a suak le, a linhnâk nih chun chawmpâr chu a uaitir le, a pâr chu a tlawng le, a dawhnâk chu a vei rawh; chu hâwi ber hen minei chu a rianṭuan ah a vei lai.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.