Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




THUPHUANG 7:14 - Bawm Common Language Bible Version

14 Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

အခန်းကိုကြည့်ပါ။ ကော်ပီ




THUPHUANG 7:14
30 ပူးပေါင်းရင်းမြစ်များ  

Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.


A zawnhnâk rang ding ah ngûn kual pali a siam le, a kê pali ah a thlaih, a sîr leiah panih vevê hen.


LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.


Ruitu fing zeimaw mi thah hen an um lai le, sikhawmsele chu zârah mi tla rang chun thiangnâk lam asi lai. Pathian nih hun a ruat mi a dawng lânlo chu, chu chu a um vima lai.


Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.


A dîr mi tla lakah pakhat sinah chubang zawzawng chu hawng ka simhfiang ding hen ka deih, churawhchun anih nih a umzia chu hawng ka simh.


LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.


Chu tikah chun hamhnâk fâk tak a um awt ruangah; chu hâwi hen a fâk mi chu tual umtir thawk hen tutiang hen a um dah lo le, um khawm zeitik khawm ah a um nawlh lai lo rawh.


Chubang ni chu hamhnâk ni asi awt dangâiah, chu hâwi hamh chu Pathian siam tual tuah tîr thawk hen tutiang hen a um dahlo le, zeitik khawm a um lai lo rawh.


Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.


“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.


Chun, chu ko chu silo hen kanna hamhnâk khawm ah lâwm hen kan um, hamhnâk nih chun felfênâk a siam le,


Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.


chun, mi nih an nehsawh na nâk zawzawng ah leh hamh nan tuarnâk tla lakah chun nan felfê zia leh nan lung zia ruangah Pathian kawhmi murui lakah chun kannih nih kan putso na tâwn asi, chubang chu Pathian ram ah mi si tlâk a ruat nan si kho awt ti,


Chun, Jisu khawm nih amah thisen tak hen sual lakah mi zapi thenhimhtir na ding hen kulh lênglei ah a tuar rawh.


zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.


Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.


chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.


Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;


Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.


Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.


Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.


An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.


Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.


Chun, chu nûnah chun ka zauh le, mi zapi cherkhet, âukhawm rêlchâwklo, phun kip lakah mi tla, chi kip lakah mi tla, mikip lakah mi tla, hawlh kip lakah mi tla, puanvâr aih hen, leh tûmkâu put hen, laltophah mâika ah leh, Dawrâ Fa mâika ah an dîr mi ka muh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ