THUPHUANG 7:12 - Bawm Common Language Bible Version

¹² “Amen! Malsâwmnâk tla, rokualnâk tla, finghnâk tla, lâwmthusimnâk tla, zahnâk tla, chawnglawmhnâk tla, thiltikhonâk tla, chaknâk tla, zungzâl hen kan Pathian sinah um seh, Amen,” ti hen Pathian an mâimûk.

THUPHUANG 7:12 ပူးပေါင်းရင်းမြစ်များ

NEHEMIAH 12:46

A lânah lalchem David leh tumphung tumtu Asap um liau khawm ah Pathian sinah lâwmthusimnâk leh lasaknâk lakah chun tumphung tumtu murui nih an rui na.

NEHEMIAH 12:8

Levi tla: Hi bang tla hi lâwmthusimnâk lasaktu lakah a hotu dauh tla an si: Jeshua, Binui, Kadmiel, Serebiah, Juda leh Mataniah.

SAM 100:4

Biakin kawtkâ ah lâwmthusim bû hen lût u, sawr bû hen a Biakin kulh sungah chun lût u. A sinah lâwmthusim hen amah chu sawr u.

SAM 106:48

LALPA, Israel Pathian chu sawr u; tuah leh zeiliau zawng ah sawr u! Mikip nih, “Amen! ” ti na seh. LALPA chu sawr u!

SAM 107:22

A sinah bâwlnâk leh lâwmnâk la sak hen leh a thilti zawzawng ruangah a sinah lâwmthu an sim ding asi.

SAM 116:17

Lâwmthusim bâwlnâk ka nan pêk lai le, na sinah thla ka hawng cham lai.

SAM 147:7

LALPA sawr hen la sak u; kan Pathian sinah ṭingṭang tum u.

SAM 41:13

LALPA, Israel Pathian chu sawr u! Tuah leh zungzâl tiang hen amah chu sawr u! Amen! Amen!

SAM 50:14

Na lâwmthusimnâk chu Pathian sinah na bâwlnâk si sele, Zeizawng Tikho sinah thilpêk na tiamh mi chu pêk rawh.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 89:52

LALPA chu sawr kumza rawh! Amen! Amen!

SAM 95:2

A mâika ah lâwmthusim hen kan kal lai le, lâwm hen a sawrnâk la kan sak lai.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

JONA 2:9

Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

1 KORIN 14:16

Chu lo chun thlarau hen malsâwm piak na khawmsele theih dahlo tla umnâk ah um mi nih, nan lâwmthusim ah chun zeitin me “Amen” a ti kho lai, na thusim chu a theih lêm lo mi?

2 KORIN 4:15

Zeizawng nanmah ṭhatnâk ding asi, zângfahnâk chu mi tam dauh rangah pungtir hen a um, Pathian rokualnâk ding hen lâwmthu cherkhet a simtir khonâk ding hen.

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.