THUPHUANG 7:10 - Bawm Common Language Bible Version

¹⁰ Chun, chubang tla nih chun, “Kan Pathian laltophah ah a to mi leh Dawrâ Fa thawk hen kan ruangsuahnâk a hawng tlung rawh,” ti hen fâk tak hen an âu.

THUPHUANG 7:10 ပူးပေါင်းရင်းမြစ်များ

SAM 115:1

LALPA, kanmah sin silo hen nangmah sin cho ah na dâwtnâk dawnglo leh na zumhkâinâk dawnglo ruangah rokualnâk pêk ding na si.

SAM 3:8

Nehnâk chu LALPA sinah mi asi. A mi tla chu malsâwm seh.

SAM 37:39

LALPA nih mirep tla chu ruang a suah na le, lawksawng ni ah a hum na.

ISAI 43:11

“Keimah cho hi LALPA a nan hum kho natu chu kasi.

ISAI 45:15

‘Israel Pathian, a mi tla ruangsuahtu a thup hen a um mi Pathian chu asi.

ISAI 45:21

Lâirêlnâkah hawng ule, nan thunawk hawng put u; a dotu ding mi tla chu thu a deih tawnh na seh. Tuan liau khawm ah thil a hawng tlung ding mi simkantu âu a um? Kei, LALPA a mi tla ruangsuahtu kasi lo ma? Pathian dang a um lo.

JEREMIA 3:23

Tlâng tlûnah lunglo pathian kan sawnh mi nih hawng kan ṭangpi lo thlo. Israel rangah ṭangpinâk chu LALPA thawk hen cho a hawng kal.

HOSEA 13:4

LALPA nih, “Kei, LALPA, Aigupta thawk hen an suakpi natu chu kasi. Keimah lo chu Pathian nan nei lo. Keimah lâwng hi ruang an suah natu kasi.

JONA 2:9

Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

ZEKARIA 4:7

Na mâika ah tlâng lian hâwi hen khamtu chu a tlâu lai. Biakin na sak nawlh lai le, a lungphûm madung chem na phûm liauah mi tla nih, ‘Â dawh a! Â dawh a!’ ” ti hen an âu lai.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

LUK 3:6

Chun, mi zawzawng nih Pathian ruangsuahnâk chu an tawng lai’ ati,’’ ti hen, rîn hâwi khan.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

THUPHUANG 12:10

Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.

THUPHUANG 19:1

Chu nûn chun, vân ah mi zapi aw-hâu fak tak hâwi hen, “Halleluia’’ (Pathian chu sawr u), ruangsuahnâk tla, rokualnâk tla, thiltikhonâk tla, kan Pathian tâ asi;

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.

THUPHUANG 4:6

Chun, laltophah mâika ah chun tisumsumriat thlalang hâwi, kristal lung hâwi hen a tliang mi hi a um le, chun, laltophah kulh dak hen thilnung pali dung leh mâi hen mit a khat phak mi an um.

THUPHUANG 5:7

Chun, Dawrâ Fa chu a va kal le, laltophah ah a to mi kut vawrhlei mi lasuibu chu a lâk rawh.