THUPHUANG 7:1 - Bawm Common Language Bible Version

¹ Chu nûnnah chun tual ah leh tisumsumriat ah leh thing tlûnah thli rerêng a lêng lonâk ding hen tual thli pali chu tleih hen tual kil li ah an dîr mi vânmifial pali ka muh.

THUPHUANG 7:1 ပူးပေါင်းရင်းမြစ်များ

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 27:3

“Ka vêng le, tî ka tawih kumza. A sûn a zân hen âukhawm nih râwk lo ding hen ka vêng.

ISAI 27:8

LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

JEREMIA 49:36

Munkip thawk hen Elam tlûnah thli ka rângtir lai le, an tek mi minung tla ram kip ah an kal lonâk ram umlo rê hen ka rekrâwitir na lai.

EZEKIEL 37:9

Pathian nih ka sinah, “Thikho mi minung, thli sinah thu sim. Munkip ah mi thli chu LALPA thupêk hen hawng hen hi bang mithi tla sungah thaw khumh ding leh nungtir nawlh na ding hen simh,” a ti.

EZEKIEL 7:2

“Thikho mi minung, hi hi Israel ram ah kei LALPA Zahkâi nih thu ka sim mi chu asi: Hi hi ram pumpi dawnghnâk chu asi!

DANIAL 11:4

Sikhawmsele a thiltikhonâk sâng tak ruangah a ram chu mun li hen a ṭhen lai. Lal tla amah thlâk silo mi tla nih amah mun ah lâi an rêl lai le, sikhawmsele a thuneihnâk hâwi an nei lai lo.

DANIAL 7:2

chu zân ah ka mang ah ka muh mi ka rîn mi chu hi tla hi asi: Thli chu mun kip thawk hen a hawng râng le, tisumsumriat chu a hawng sêm.

DANIAL 8:8

Chun, kêl chal chu a lung a khungtir dadauh le, a thiltikhonâk sâng tak nih a ki chu a khiak ving. Chu a kiak mi mun ah chun ki sâu tak pali a hawng kho le, mun dang chiau an khît.

JONA 1:4

Sikhawmsele LALPA nih tipi tlûnah thlipi fâk tak a rângtir le, chu thli chu a fâk tuk ruangah lawng râwk ding rê hen ṭihnung a kâi.

ZEKARIA 6:1

Langhnâk dang pakhat ka nei nawlh le, chu tan chun tlâng sen vulval panih kar thawk hen kari pali an hawng suak mi ka muh.

ZEKARIA 6:5

Anih nih a sâng le, “Hi bang tla hi thli pali an si. Laikulh pumpi LALPA mâika thawk hen hawng mi an si,” a ti.

MATHAI 24:31

Chun, a vânmifial tla chu tâwtawrâwt hâu fâk tak hen a fial na lai. Chun thîm mi tla chu kâwlkil li ah mi dawnghnâk thawk hen khatlei dawngh tiang hen an pumh lai.

MARK 13:27

Chu tikah chun vânmifial tla chu a fial lai le, a thîm mi tla chu kâwlkil li ah mi tual dawngh thawk hen vân dawngh tiang hen a lâwr hen a pumh lai.”

THUPHUANG 20:8

tual ah phun tla, Gog leh Magog chu perpet ding leh râltuk ding ah pumh na ding hen a suak lai, chubang tla tam zia chu tisumsumriat kapah sep hâwi an si.

THUPHUANG 6:6

Chun, thilnung pali tla lâiah chun aw-hâu hâwi hen, “Ni khat lawhman wheat fâng khîng khat, ni khat lawhman hen barley fâng khîng thum; oliv thing leh grep zûn lam chu râwk lah,” a ti mi ka theih.

THUPHUANG 7:3

“Kan Pathian to-aw tla chu an chal ah kan singsiah na lânlo chu mual leh tisumsumriat leh thing tla chu râwk lah rih u,’ ti hen a âu.

THUPHUANG 8:7

Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.

THUPHUANG 9:14

chu aw-hâu nih chun, vânmifial paruknâk tâwtawrâwt a put mi sinah chun, “Eufretis tipi ah vânmifial pali phuar hen an um mi tla kha suah na rawh!” a ti.

THUPHUANG 9:4

Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.